Na aficyjnym partale polskaha ŭrada pačaŭ pracavać biełaruskamoŭny raździeł
22 śniežnia 2025 hoda pačaŭ funkcyjanavać aficyjny ŭradavy servis na biełaruskaj movie dla hramadzian Biełarusi, jakija žyvuć u Polščy, paviedamili ŭ Abjadnanym pierachodnym kabiniecie Biełarusi.
Paviedamlajecca, što padčas sustrečy ŭ kancylaryi Premjer-ministra Polščy namieśnik kiraŭnicy Abjadnanaha pierachodnaha kabinieta, kiraŭnik Narodnaha antykryzisnaha ŭpraŭleńnia Pavieł Łatuška inicyjavaŭ pytańnie nieabchodnaści stvareńnia servisu dla hramadzian Biełarusi na biełaruskaj movie na aficyjnym sajcie ŭrada Polščy.
Pa vynikach sumiesnaj paŭhadavoj pracy byŭ stvorany servis, jaki pačynaje pracu ad siońniašniaha dnia. Jon nakiravany na toje, kab davać maksimalna šyrokuju infarmacyju pa pytańniach lehalizacyi dla biełarusaŭ, jakija vymušana pakinuli Biełaruś i znachodziacca na terytoryi Polščy
Pavodle damoŭlenaści z Uradavym infarmacyjnym centram Polščy płanujecca pastajannaje abnaŭleńnie karysnaj dla biełarusaŭ infarmacyi, jakoje budzie adbyvacca štokvartalna.
Uvieś apublikavany źmiest maje aficyjny charaktar i padrychtavany na padstavie dziejnych pravavych normaŭ, a taksama infarmacyi, dadzienaj bolš čym dziesiaćciu ministerstvami i viedamstvami Polščy.
Pytańni, jakija adlustravany na infarmacyjnym partale dla hramadzian Biełarusi ŭ Polščy:
- prysvajeńnie numara PESEL i rehistracyja;
- asnovy lehalnaha znachodžańnia ŭ Polščy;
- piensija i paćviardžeńnie pracoŭnaha stažu;
- siamiejnyja vypłaty dla hramadzian Biełarusi, jakija žyvuć u Polščy;
- dapamoha i rehistracyja va ŭpraŭleńni pracy;
- pracedura adkryćcia bankaŭskaha rachunku hramadzianami Biełarusi ŭ Polščy;
- haspadarčaja dziejnaść hramadzian Biełarusi ŭ Polščy;
- abmien biełaruskaha paśviedčańnia kiroŭcy na polskaje;
- časta zadavanyja pytańni;
- karysnyja kantakty.
U dakumientach pa «spravie Epštejna» znajšli ślady bujnych hrašovych pieravodaŭ u Minsk. Znoŭ uspłyło imia Karyny Šulak44
Kamientary