На афіцыйным партале польскага ўрада пачаў працаваць беларускамоўны раздзел
22 снежня 2025 года пачаў функцыянаваць афіцыйны ўрадавы сэрвіс на беларускай мове для грамадзян Беларусі, якія жывуць у Польшчы, паведамілі ў Аб'яднаным пераходным кабінеце Беларусі.
Паведамляецца, што падчас сустрэчы ў канцылярыі Прэм’ер-міністра Польшчы намеснік кіраўніцы Аб’яднанага пераходнага кабінета, кіраўнік Народнага антыкрызіснага ўпраўлення Павел Латушка ініцыяваў пытанне неабходнасці стварэння сэрвісу для грамадзян Беларусі на беларускай мове на афіцыйным сайце ўрада Польшчы.
Па выніках сумеснай паўгадавой працы быў створаны сэрвіс, які пачынае працу ад сённяшняга дня. Ён накіраваны на тое, каб даваць максімальна шырокую інфармацыю па пытаннях легалізацыі для беларусаў, якія вымушана пакінулі Беларусь і знаходзяцца на тэрыторыі Польшчы
Паводле дамоўленасці з Урадавым інфармацыйным цэнтрам Польшчы плануецца пастаяннае абнаўленне карыснай для беларусаў інфармацыі, якое будзе адбывацца штоквартальна.
Увесь апублікаваны змест мае афіцыйны характар і падрыхтаваны на падставе дзейных прававых нормаў, а таксама інфармацыі, дадзенай больш чым дзесяццю міністэрствамі і ведамствамі Польшчы.
Пытанні, якія адлюстраваны на інфармацыйным партале для грамадзян Беларусі ў Польшчы:
- прысваенне нумара PESEL і рэгістрацыя;
- асновы легальнага знаходжання ў Польшчы;
- пенсія і пацвярджэнне працоўнага стажу;
- сямейныя выплаты для грамадзян Беларусі, якія жывуць у Польшчы;
- дапамога і рэгістрацыя ва ўпраўленні працы;
- працэдура адкрыцця банкаўскага рахунку грамадзянамі Беларусі ў Польшчы;
- гаспадарчая дзейнасць грамадзян Беларусі ў Польшчы;
- абмен беларускага пасведчання кіроўцы на польскае;
- часта задаваныя пытанні;
- карысныя кантакты.
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі12
Каментары