У акупаваным Крыме ўдарам беспілотніка забіла пяць расійскіх вайскоўцаў
У ноч на 6 мая вайсковыя аб’екты і транспартны вузел у раёне крымскага Джанкоя трапілі пад масаваную атаку беспілотнікаў. Вынікам налёту сталі значныя страты сярод расійскіх вайскоўцаў, а таксама пашкоджанне дарагой тэхнікі і чыгуначнай інфраструктуры, паведамляе канал «Досье шпиона».
Асноўны ўдар прыйшоўся па стратэгічна важнай чыгуначнай станцыі «Джанкой», дзе пад агонь трапілі вайскоўцы, супрацоўнікі Расгвардыі і памежнай службы ФСБ. У выніку выбухаў загінулі пяць чалавек, яшчэ пяцёра параненыя.
На самай станцыі знішчаны лакаматыў і пашкоджаны шэраг грузавых вагонаў, што робіць праблемы для вайсковай лагістыкі ў рэгіёне.
Акрамя чыгуначнага вузла, атака закранула і пазіцыі супрацьпаветранай абароны. Паведамляецца пра траплянне ў пускавую ўстаноўку зенітна-ракетнага комплексу «С-400», хоць маштаб яе пашкоджанняў невядомы.
Таксама былі разбітыя два аўтамабілі мабільных агнявых груп, якія спрабавалі адбіць налёт. Загінуў адзін баец, паранены дзесяць чалавек.
Паведамляецца, што для нападу выкарыстоўваліся ўдарныя дроны, абсталяваныя сістэмамі кіравання праз спадарожнікавую сувязь «Starlink».
Каментары