У Міністэрстве замежных спраў Беларусі заявілі, што ўлады краіны вядуць актыўны, але непублічны дыялог з заходнімі дзяржавамі. Пра гэта паведаміў намеснік міністра замежных спраў Ігар Сакрэта ў інтэрв'ю тэлеканалу «Першы інфармацыйны».
Па словах Ігара Сакрэты, на працягу апошняга года рэгулярна праходзяць сустрэчы з прадстаўнікамі Захаду — як у сталіцах розных краін, так і на міжнародных пляцоўках. У перамовах удзельнічаюць кіраўнікі палітычных дэпартаментаў і намеснікі міністраў.
На гэтых сустрэчах абмяркоўваецца шырокі спектр пытанняў, такія як палітыка і эканоміка, санкцыі і іх наступствы, а таксама пытанні бяспекі.
Сакрэта адзначае, што ў ходзе дыскусій бакі не заўсёды згодныя, але працягваюць абменьвацца пазіцыямі і весці дыялог.
У якасці прыкладу кантактаў ён згадаў нядаўнюю тэлефонную размову паміж Аляксандрам Лукашэнкам і Эмануэлем Макронам, якая адбылася па ініцыятыве французскага боку і павінна даць імпульс для далейшых перамоў.
Цяпер чытаюць
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары