Аляксандр Лукашэнка і прэзідэнт Францыі Эмануэль Макрон правялі тэлефонную размову. Палітыкі абмеркавалі пытанні рэгіянальнай бяспекі і адносін Мінска з Еўрасаюзам. Гэты кантакт адбыўся на фоне значнага ваенна-палітычнага напружання ў рэгіёне.
«Абмеркавалі рэгіянальныя праблемы і ўзаемаадносіны Беларусі з ЕС і Францыяй у прыватнасці», — паведаміў «Пул першага».
Мінск паведаміў, што размова адбылася па ініцыятыве французскага боку.
Гэтыя перамовы прайшлі пасля шэрагу важных міжнародных падзей. У мінулую пятніцу прэзідэнт Украіны Уладзімір Зяленскі правёў размову з кіраўнікамі Германіі, Францыі і Вялікабрытаніі, на якой сярод іншага абмяркоўвалася і беларускае пытанне.
Акрамя таго, мінулы тыдзень адзначыўся правядзеннем Расіяй ядзерных вучэнняў, падчас якіх адпрацоўвалася дастаўка атамных боегаловак у Беларусь.
Як рыхтаваўся візіт Ціханоўскай у Кіеў і чаму ён некалькі разоў пераносіўся12
Каментары
Відаць кіраўніцтва РБ вырашыла, што прыйшоў час ратаваць расіянаў - ня могуць яны без малодшых братоў перамагчы. Самаахвяраваньне дзеля вялікай мэты.