«Не, не чулі». Пяскоў пракаментаваў паведамленні аб падрыхтоўцы мірнага плана ЕС і ЗША
У Маскве бачылі паведамленне пра падрыхтоўку ЗША і Еўропай мірнага плана па ўрэгуляванні канфлікту ва Украіне, заявіў прэс-сакратар прэзідэнта Расіі Дзмітрый Пяскоў на брыфінгу, паведамляе РБК.
Такім чынам ён пракаментаваў артыкул The Washington Post пра распрацоўку мірнага плана, які складаецца з чатырох асноўных кампанентаў. На пытанне, ці чулі пра гэта ў Крамлі, Пяскоў адказаў: «Не, не чулі. Бачылі паведамленне ў СМІ, але нічога не чулі».
Пяскоў таксама паведаміў, што кантакты па пытанні магчымага энергетычнага перамір’я працягваюцца. Пры гэтым ён не стаў удакладняць, ці пагадзілася Расія на дамоўленасць, пра якую гаварыў прэзідэнт ЗША Дональд Трамп, і прапанаваў звярнуцца па тлумачэнні да амерыканскага лідара.
Каментуючы рашэнне ЗША дазволіць пастаўкі расійскага дызельнага паліва, Пяскоў заявіў, што не бачыць прамой сувязі паміж гэтым крокам і магчымымі саступкамі Расіі на перамовах па Украіне.
Паводле яго слоў, супрацоўніцтва ў гэтай сферы выгаднае абедзвюм краінам.
«Гэта адпавядае інтарэсам Злучаных Штатаў, гэта адпавядае інтарэсам сусветных энергетычных рынкаў і адпавядае інтарэсам Расійскай Федэрацыі, таму гэта і адбываецца», — падкрэсліў ён.
Прэс-сакратар прэзідэнта таксама адзначыў, што новыя санкцыі Еўрапейскага саюза могуць перашкодзіць дамоўленасцям Масквы і Вашынгтона.
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары