«Тут яшчэ павінны даплачваць». Беларусы ў шоку ад гатэля ў Сянне з відам на райвыканкам
Некаторыя не паверылі, што ў Беларусі яшчэ можа быць такі гатэль. Іншыя пісалі, што трэба радавацца таму, што ў Сянне наогул ёсць гатэль.
Беларуска апублікавала ў TikTok агляд нумара ў гатэлі ў Сянне, заўважыла BGmedia. «Як думаеце, колькі ноч каштуе? Нумар у гатэлі Сянно. Затое від з акна на прыгожы горад. Годна)?» — падпісала яна ролік.
Мяркуючы з кадраў, сярод плюсаў толькі від на будынак мясцовага райвыканкама. Усё астатняе нагадвала альбо дэкарацыі да савецкага фільма, альбо фільм жахаў.
У каментарах некаторыя беларусы не паверылі, што ў нашай краіне можа быць такі гатэль. Іншыя ж пісалі, што трэба радавацца таму, што ў Сянне наогул ёсць гатэль.
«Хоць нехта гэта паказаў. Адзін толькі люкс больш-менш. Але туды звычайным людзям няма доступу».
«Тут яшчэ павінны даплачваць».
«Вы чакалі ў Сянне гатэль 5 зорак? Добра, што ёсць хоць 1 зорка, гэта не курорт, а для камандзіроўкі сыдзе».
«Калі б быў прыватны, даўно б ужо штрафамі абклалі ці закрылі!»
На інвестпартале ўладаў Беларусі ёсць паведамленне, што ЖКГ Сянна гатова прадаць гатэль за 150 тысяч даляраў.
Дарэчы, гэты гатэль згадваюць не ўпершыню. Улетку 2025 года блогер Павел Пармон начаваў у найгоршых гатэлях Беларусі і дзяліўся ўражаннямі. Быў ён у тым ліку і ў Сянне.
Нумар сапраўды ўразіў хлопца. У туалеце ўсё было настолькі сціпла, што складана знайсці словы для апісання. Пад столлю вісела проста лямпачка. Нават туалетнай паперы пашкадавалі — пакінулі для госця невялікі кавалачак. Развесяліла блогера тое, што шпінгалет на дзвярах у стратэгічна важнае месца ёсць з двух бакоў.
Затое і цана была смешнай — крыху больш за 20 рублёў за ноч.
-
Кобрынца, які застаўся без нагі пасля выбуху машыны, пасадзілі за кантакт з журналістамі. Пасля вызвалення ён расказаў сваю гісторыю
-
Пасол Украіны па пытаннях Беларусі: «Пазіцыя Ціханоўскай дакладна не пацыфісцкая»
-
Ці могуць мінскія школьнікі бясплатна карыстацца грамадскім транспартам падчас летніх канікул?
Каментары