Каля вёскі Табары Мінскага раёна вядзецца будаўніцтва вялікага сучаснага цяплічнага комплексу плошчай 7,2 гектара. Гэта прыкладна адпавядае памеру васьмі з паловай футбольных палёў, паведамляе РУП «Белбудцэнтр».
Новы комплекс ствараецца як частка праграмы па ўмацаванні харчовай бяспекі краіны і зніжэнні залежнасці ад імпартнай гародніны. Тут плануюць круглы год вырошчваць памідоры, агуркі, зеляніну і іншую прадукцыю.
Для работы комплексу прадугледжаная вялікая інфраструктура: агульная плошча шклення складзе больш за 99 тысяч квадратных метраў, для сістэмы ацяплення пракладуць каля 280 кіламетраў труб, а працягласць кабеляў для дадатковага асвятлення дасягне 140 кіламетраў. Электразабеспячэнне будуць падтрымліваць дзевяць трансфарматарных падстанцый.
Першую чаргу будаўніцтва хочуць завяршыць ужо ў найбліжэйшы час. Адначасова пачынаецца падрыхтоўка другой чаргі — яшчэ аднаго цяплічнага комплексу плошчай больш за 7 гектараў.
Пасля поўнага запуску абодвух аб’ектаў у Табарах разлічваюць атрымліваць да 3,5 тысячы тон гародніны ў год. Першы ўраджай памідораў плануюць сабраць ужо восенню.
Апошнім часам улады актыўна ўкладаюцца ў такія праекты і нават увялі льготныя тарыфы на электраэнергію для цяпліц.
Цяпер чытаюць
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе55
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе5
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў99
Каментары