Першая беларуская анлайн-школа ва Украіне распачала набор на новы навучальны год
У Першую беларускую анлайн-школу ва Украіне распачаўся набор на новы 2026/27 навучальны год. Пра гэта паведаміла заснавальніца школы Настасся Шпакоўская на сваёй старонцы ў фэйсбуку.

Першая анлайн-школа ва Украіне працуе з кастрычніка 2020 года. Ідэя яе стварэння ўзнікла ў акторкі і спявачкі Настассі Шпакоўскай, якая ў канцы жніўня 2020 года была вымушаная з дзецьмі з’ехаць з Беларусі.
«Я ганаруся тым, што наша каманда працягвае працаваць і верыць у будучыню нашых дзяцей.
Я ганаруся тым, што мы маем магчымасць захаваць невялікія цэны за навучанне і даваць нашым вучням якасную адукацыю.
Мы пачынаем новы набор вучняў на наступны навучальны год, і будзем рады калі ўсе дзеці, якім патрэбна дапамога ў атэстацыі і навучанні прыйдуць да нас», — напісала Настасся Шпакоўская.
Падрабязней пра школу чытайце па спасылцы.
Каментары