Сэрвіс для арганізацыі супольнасцяў і падзей Locals.org, створаны заснавальнікамі MSQRD Яўгенам Няўгенем і Сяргеем Ганчаром, закрываецца 31 мая. Адпаведнае паведамленне з’явілася ў дадатку, хоць на старонках маркетплэйсаў і на сайце інфармацыі пра гэта пакуль няма, піша Devby.io.
Распрацоўшчыкі кажуць, што сур’ёзна абдумалі сітуацыю і вырашылі закрыць праект. Прычыны не назвалі. За час працы сэрвісу карыстальнікі ўсталявалі больш за мільён новых кантактаў, арганізавалі больш за 300 тысяч сумесных мерапрыемстваў і стварылі больш за 7,5 тысяч супольнасцяў.
Выплаты стваральнікам супольнасцяў працягнуцца па плане праз Stripe. Таксама яны змогуць выгрузіць спісы сваіх удзельнікаў.
Пасля 20 мая будзе нельга ствараць новыя платныя мерапрыемствы і афармляць членства новых удзельнікаў. І наогул з гэтага дня нельга будзе ствараць новыя супольнасці і мерапрыемствы. 31 мая дадатак цалкам згорнуць.
Платформа была запушчана ў 2020 годзе, у праекце ўдзельнічала расійская супермадэль Наталля Вадзянава. У распрацоўку Ганчар і Няўгень уклалі больш за $1 млн уласных сродкаў. Няўгень расказваў, што ідэя Locals нарадзілася з жадання адрадзіць беларускі праект «МаеСэнс» — платформу для дабрачыннага аўкцыёну сустрэч, дзе Няўгень калісьці працаваў.
У Locals людзі маглі прапаноўваць любую суму за сустрэчу або сумесны досвед. Планавалася, што 80% сродкаў ад сустрэч будзе ісці на дабрачыннасць, а 20% — на распрацоўку платформы і рост кам’юніці. Манетызаваць платформу партнёры планавалі за кошт камісіі з транзакцый і дадатковых платных опцый.
-
Прапагандысты паказалі на некалькі секунд паперку з імёнамі раней вызваленых палітвязняў. Што за людзі ў гэтым спісе?
-
Трэнерка-блогерка абразіла наведвальніцу ў трэнажорцы ў Новай Баравой. Цяпер скардзіцца на цкаванне
-
Беларускі маньяк сядзіць у Расіі і прыдумляе сабе новыя крымінальныя справы, каб не вяртацца ў турму, дзе яго катуюць
Каментары