Спіс «экстрэмісцкіх фармаванняў» Беларусі папоўніўся яшчэ трыма праектамі
Камітэт дзяржаўнай бяспекі Беларусі прыняў рашэнне аб пашырэнні пераліку арганізацый, дзейнасць якіх забароненая на тэрыторыі краіны.
Рашэнне аб прызнанні трох праектаў «экстрэмісцкімі фармаваннямі» КДБ прыняў 5 мая 2026 года.
«Znivien» — беларускі брэнд адзення, які спецыялізуецца на выпуску рэчаў з нацыянальнай сімволікай для беларусаў у замежжы.
Сярод асоб, звязаных з праектам, названы Уладзімір Маляўка і Павел Дзяркач. Забарона распаўсюджваецца на сайт znivien.pl і старонкі ў сацыяльных сетках Instagram і Facebook.
«The Krama Store». Фігуранткай экстрэмісцкага спіса пазначана Алеся Гмір. Пад санкцыі трапіў Instagram-акаўнт праекта.
«LVS. Language School» — зарэгістраваная ў Варшаве анлайн-школа, якая займаецца дыстанцыйным навучаннем замежным мовам. КДБ звязаў са школай і ўключыў у спіс Аляксандру Дойніч. «Экстрэмісцкімі» назвалі профілі школы ў Instagram, Facebook і TikTok.
Каментары