Arhumientujučy svaju pazicyju, čamu z Łukašenkam «biessensoŭna razmaŭlać», Padalak zadaŭsia pytańniem: «Na što jon upłyvaje, jakija jon maje parohi ŭpłyvu, dzie jon moža niešta vyznačać?»
«Miakka kažučy małavierahodnaj» nazvaŭ mahčymaść sustrečy Uładzimira Zialenskaha i Alaksandra Łukašenki daradca kiraŭnika Ofisa prezidenta Ukrainy Michaił Padalak 22 traŭnia ŭ efiry «Obyčnoho utra», piša «Pozirk».
«Łukašenka nie źjaŭlajecca subjektam navat rehijanalnaha ŭzroŭniu, adpaviedna nie jon vyznačaje tyja eskałacyjnyja ŭzroŭni ryzyk, jakija siońnia źjaŭlajucca», — zajaviŭ jon.
Padalak adznačyŭ, što Biełaruś brała i biare ŭdzieł u raźviazanaj Rasijaj vajnie suprać Ukrainy («aficyjny Minsk, zrazumieła, što nie hramadzianskaje nasielnictva»).
«Ja rekamienduju ŭsim vielmi mocna padzialać biełarusaŭ i ruskich — heta zusim roznyja z punktu hledžańnia razumieńnia realij siońniašniaha dnia i histaryčnaj mientalnaści ludzi, — skazaŭ daradca kiraŭnika Ofisa prezidenta Ukrainy. — Kali ruskija atrymlivajuć asałodu ad masavaha zabojstva i hvałtu, to biełarusy, biezumoŭna, dalokija ad hetaha i, viadoma ž, nie vitajuć vajnu».
Arhumientujučy svaju pazicyju, čamu z Łukašenkam «biessensoŭna razmaŭlać», Padalak zadaŭsia pytańniem: «Na što jon upłyvaje, jakija jon maje parohi ŭpłyvu, dzie jon moža niešta vyznačać?»
«Zachoča subjekt Pucin vykarystać Biełaruś u jakaści płacdarma dla ataki — budzie vykarystoŭvać (tut inšaje pytańnie, ci maje subjekt Pucin siońnia niejkija resursy dla hetaha? Heta nie 2022 hod), — zajaviŭ hość efiru. — Nie zachoča — nie budzie vykarystoŭvać, ale tym nie mienš Biełaruś zaŭsiody buduć vykarystoŭvać, na žal, tamu što heta nie subjektnaja — jašče raz padkreślivaju — pry Łukašenku kraina dla pravakacyjnych dziejańniaŭ u dačynieńni da toj ža Litvy, Polščy ci Ukrainy».
«Pra niešta damaŭlacca z Łukašenkam — ja navat nie viedaju… Jak vy možacie mieć znosiny z čałaviekam, jaki chłusić uvieś čas? Jon schłusiŭ raz, schłusiŭ dva, ni na što nie ŭpłyvaje, fanfarončyk, fantasmaharyčnyja niejkija scenaryi raspaviadaje: «Ja tut viedaju, ja tut nie viedaju. Jadziernuju zbroju maju». Učora Ministerstva abarony Rasijskaj Fiederacyi ŭpieršyniu skazała pra toje, što pieradało «Iskander-M» — adnu rakietu ź jadziernaj bajavoj častkaj, voś hetaja jadziernaja zbroja, jakaja ŭ Biełaruś pryjšła i jakaja adtul sydzie paśla vučeńniaŭ ( 21‑ha jano miełasia skončycca, i [jadziernaja zbroja] musiła adtul syści). Usio astatniaje — heta kazki nie Vienskaha lesu, a Biełaviežskaj puščy, jakija Łukašenka pieryjadyčna raspaviadaje», — dadaŭ śpikier.
Padalak nahadaŭ, što vajna «idzie ŭžo čatyry hady», Ukraina vajuje «ź vialikaj resursnaj krainaj, dzie šmat niepatrebnaj žyvoj siły, Rasijskaj Fiederacyjaj — technałahična adstałaj absalutna miortvaj cyvilizacyjaj, askiepkam cyvilizacyi, jakaja choča prosta zabivać susiedziaŭ».
«Ale za čatyry hady situacyja ŭ hetaj vajnie kardynalna źmianiłasia: siońnia znoŭ Ukraina, pierachapiŭšy inicyjatyvu, stabilna i sistemna vynosić ekspartna-aryjentavanyja haliny Rasii, niezaležna ad adlehłaści, dzie znachodziacca tyja ž NPZ, źniščaje ich, hetak ža chimhalinu vynosić, vynosić vajskovuju vytvorčaść — heta budzie narastać, tut niama sumnievaŭ, — skazaŭ jon. — Terytoryja Biełarusi ŭ paraŭnańni z terytoryjaj Rasii značna mienšaja i našmat zručniej prastrelvajecca. Majučy toj nazapašany dośvied vykarystańnia dalnabojnych instrumientaŭ, słuchać niejkija tam zajavy Łukašenki, što jon niekudy ŭmiašajecca, niešta budzie rabić…»
«Mnie zdajecca, isnuje dobry kirunak, nazyvajecca jon kliničnaja psichałohija ź pierachodam u psichijatryju. Jamu tam treba parazmaŭlać, kab jamu patłumačyli adpaviednaść taho žyćciovaha miesca, jakoje jon zajmaje, tym zajavam, jakija jon robić. Choć, znachodziačysia 32 hady va ŭładzie, ty budzieš, biezumoŭna, u niejkim łunańni znachodzicca. Padahulniajučy pytańnie, biessensoŭna razmaŭlać z pustym miescam», — zajaviŭ Padalak.
Na pytańnie, ci byŭ by mahčymy dyjałoh, kali b režym pryznaŭ, što nadaŭ terytoryju krainy dla napadu na Ukrainu ŭ 2022 hodzie, daradca kiraŭnika Ofisa prezidenta Ukrainy adkazaŭ, što Łukašenka «nie budzie kajacca, nie ličyć siabie ŭ niečym vinavatym, naadvarot, choča atrymać niejkuju vyhadu za košt inšych».
«Adziny momant, kali jon moža pryznać vinu — dla taho, kab źmiakčyć jurydyčnyja nastupstvy, [budzie] jak tolki subjekt Pucin, kali jon vyžyvie, budzie siadzieć na łavie padsudnych», — padkreśliŭ Padalak.
Kamientary
Intieriesno to, čto im poihraťsia riešił Tramp, no u etoho, v hołovie, svoi tarakany.
Etot riešił priesmykaťsia pieried putinym i,
vo vsiom, jemu potakať, nieponiatno, kakaja sistiema AI jemu propisała takoje poviedienije i otnošienije k putinu. Vozmožno vsio proŝie imiejem prosto starčieskij marazm i narciśsizm vyšiedšij za bierieha.
Poślednieje spraviedlivo i k našiemu Valetu, vpročiem i k putinu tožie.