Bolš za 13 tysiač minskich vypusknikoŭ sabrali na «Minsk-Arenie». Słuchali Lošu Śvika FOTY
Na apošni zvanok u «Minsk-arenu» zaprasili ŭsich minskich adzinaccacikłaśnikaŭ — amal 13,5 tysiač čałaviek, paviedamlaje ahienctva «Minsk-Naviny».
Tematyka mierapryjemstva marskaja: śviata prachodzić u vyhladzie šou-kruizu «Pa chvalach Minskaha mora», z dekaracyjami ŭ vyhladzie karabloŭ, viadučym-kapitanam, miełodyjami z «Pirataŭ Karybskaha mora» i sučasnaj viersijaj matroskaha tanca «Jabłyčka» ŭ vykanańni junych tancoraŭ.
Nie abyšłosia i biez čysta ideałahičnych elemientaŭ — u tym liku vykanańnia choram dziaržaŭnaha himna.
Naviedali mierapryjemstva taksama staršynia Minskaha harvykankama Uładzimir Kucharaŭ i ministr adukacyi Andrej Ivaniec, jakija źviarnulisia da vypusknikoŭ z pramovami.
Andrej Ivaniec padzialiŭsia bliskučymi pierśpiektyvami:
«My sa svajho boku adčynili dźviery VNU i kaledžaŭ. Čakajem sioleta bolš za 49 tysiač pieršakurśnikaŭ u VNU i praktyčna 70 tysiač navučencaŭ u kaledžach».
Chiedłajnieram viečara staŭ rasijski vykanaŭca Loša Śvik.
Kamientary