Rasija naniesła biesprecedentny ŭdar pa Ukrainie: 90 rakiet i 600 dronaŭ, pa Biełaj Carkvie ŭdaryli balistyčnym «Arešnikam»
U noč na 24 maja rasijskija vojski ździejśnili adnu z samych maštabnych kambinavanych atak na terytoryju Ukrainy, vypuściŭšy 90 rakiet i 600 bieśpiłotnikaŭ roznych typaŭ.
Asnoŭnym kirunkam hetaha mahutnaha ŭdaru staŭ Kijeŭ i Kijeŭskaja vobłaść.
Pavodle aficyjnych dadzienych Pavietranych sił USU, stanam na 09:30 ukrainskaja PPA źbiła i padaviła srodkami REB 604 varožyja mety:
11 balistyčnych rakiet «Iskander-M» / S-400;
44 kryłatyja rakiety Ch-101 / «Iskander-K» / «Kalibr»;
549 udarnych i raźviedvalnych BPŁA.
Niahledziačy na vysoki pracent źbićcia, paźbiehnuć maštabnych nastupstvaŭ nie ŭdałosia: zafiksavany pryloty 16 rakiet i 51 drona-kamikadze na 54 roznych łakacyjach. Jašče na 23 abjektach zafiksavany razbureńni i pažary z-za padzieńnia abłomkaŭ.
Udar novaj balistyčnaj rakietaj
Načalnik upraŭleńnia kamunikacyj Pavietranych sił USU aficyjna paćvierdziŭ, što padčas hetaj ataki pa horadzie Biełaja Carkva (Kijeŭskaja vobłaść) Rasija naniesła ŭdar balistyčnaj rakietaj siaredniaj dalnaści RS-26 «Rubiež» (taksama viadomaj jak «Arešnik»).
Ciapier viadoma pra dvuch zahinułych u Kijevie, paranieny 56 čałaviek.
Ciapier čytajuć
Babaryka zojmiecca biznesam — užo adkryŭ kampaniju ŭ Hiermanii12
Babaryka zojmiecca biznesam — užo adkryŭ kampaniju ŭ Hiermanii
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu1313
Kamientary