Minčuk skraŭ kurtku i krasoŭki ŭ dziciačaj stamatałohii i ŭ abnoŭkach pajšoŭ u milicyju
42‑hadovy minčuk ździejśniŭ maksimalna biazhłuzdaje i dziŭnaje złačynstva: jon «abnaviŭ harderob» u dziciačaj stamatałohii, pakinuŭšy tam svajo staroje adzieńnie, i ŭ skradzienych rečach pajšoŭ u RUUS.
42‑hadovy žychar stalicy zajšoŭ u budynak dziciačaj stamatałohii na Smarhoŭskim trakcie. U harderobie miedycynskaj ustanovy jamu spadabałasia čužaja kurtka. Jon nadzieŭ jaje, a svajo staroje adzieńnie pakinuŭ na viešałcy. Tam ža, u harderobie, minčuk znajšoŭ čužyja krasoŭki, u jakija adrazu i abuŭsia, pišuć «Minsk-Naviny».
Apranuŭšysia ŭ skradzienyja rečy, mužčyna nakiravaŭsia prosta ŭ Centralnaje RUUS Minska. Sprava ŭ tym, što jon užo byŭ sudzimy i staić na ŭliku ŭ kryminalna-vykanaŭčaj inśpiekcyi, kudy i pryjšoŭ adznačacca.
Padazravanaha ŭ čužych abnoŭkach zatrymali. Sam kradziež u paliklinicy trapiŭ na kamiery videanazirańnia.
U prakuratury paviedamili, što zatrymany maje vyšejšuju adukacyju, aficyjna nidzie nie pracuje i haduje małaletniaje dzicia. U studzieni 2026 hoda jaho asudzili za niezakonny abarot zabaronienych rečyvaŭ biez mety zbytu i pakarali 4 hadami «chatniaj chimii». Ciapier u adnosinach da minčuka raspačata novaja kryminalnaja sprava za kradziež.
Ciapier čytajuć
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny20
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary