Мінчук скраў куртку і красоўкі ў дзіцячай стаматалогіі і ў абноўках пайшоў у міліцыю
42‑гадовы мінчук здзейсніў максімальна бязглуздае і дзіўнае злачынства: ён «абнавіў гардэроб» у дзіцячай стаматалогіі, пакінуўшы там сваё старое адзенне, і ў скрадзеных рэчах пайшоў у РУУС.
42‑гадовы жыхар сталіцы зайшоў у будынак дзіцячай стаматалогіі на Смаргоўскім тракце. У гардэробе медыцынскай установы яму спадабалася чужая куртка. Ён надзеў яе, а сваё старое адзенне пакінуў на вешалцы. Там жа, у гардэробе, мінчук знайшоў чужыя красоўкі, у якія адразу і абуўся, пішуць «Мінск-Навіны».
Апрануўшыся ў скрадзеныя рэчы, мужчына накіраваўся проста ў Цэнтральнае РУУС Мінска. Справа ў тым, што ён ужо быў судзімы і стаіць на ўліку ў крымінальна-выканаўчай інспекцыі, куды і прыйшоў адзначацца.
Падазраванага ў чужых абноўках затрымалі. Сам крадзеж у паліклініцы трапіў на камеры відэаназірання.
У пракуратуры паведамілі, што затрыманы мае вышэйшую адукацыю, афіцыйна нідзе не працуе і гадуе малалетняе дзіця. У студзені 2026 года яго асудзілі за незаконны абарот забароненых рэчываў без мэты збыту і пакаралі 4 гадамі «хатняй хіміі». Цяпер у адносінах да мінчука распачата новая крымінальная справа за крадзеж.
Цяпер чытаюць
Дарафеева захапляецца Грэцыяй, а Лебедзева лашчыць капібар у Тайландзе. Дзе адпачываюць лукашэнкаўскія зоркі?2
Дарафеева захапляецца Грэцыяй, а Лебедзева лашчыць капібар у Тайландзе. Дзе адпачываюць лукашэнкаўскія зоркі?
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары