«Realna nieadekvaty». Zialenski prakamientavaŭ maštabny načny ŭdar pa Ukrainie
«Pucin užo i słova «ŭra» nie moža narmalna vymavić — šamkaje, — a ŭsio jašče svaimi rakietami pieramahaje žyłyja damy».
Prezident Ukrainy Uładzimir Zialenski emacyjna adreahavaŭ na masiravanuju kambinavanuju ataku Rasii, u vyniku jakoj paciarpieli dziasiatki mirnych žycharoŭ i była razburana cyvilnaja infrastruktura.
U svaim zvarocie Uładzimir Zialenski žorstka raskrytykavaŭ rasijskaje kiraŭnictva. «Pucin užo i słova «ŭra» nie moža narmalna vymavić — šamkaje, — a ŭsio jašče svaimi rakietami pieramahaje žyłyja damy. Try rasijskija rakiety suprać abjekta vodazabieśpiačeńnia, spaliŭ rynak, dziasiatki žyłych damoŭ paškodziŭ, niekalki zvyčajnych škoł. Zapuściŭ svoj «Arešnik» suprać Biełaj Carkvy. Realna nieadekvaty».
Pavodle apošniaj infarmacyi ad ukrainskaha lidara, u vyniku hetaha ŭdaru ŭ roznych rehijonach krainy paciarpieli nie mienš za 83 čałavieki, jość zahinułyja.
Kiraŭnik Ukrainy padkreśliŭ, što hetyja dziejańni Maskvy pavinny sustreć žorstki adkaz mižnarodnaj supolnaści, i zaklikaŭ śviet da aktyŭnaj padtrymki:
«Siońnia kožny ŭ śviecie, chto nie pramaŭčyć, chto budzie dapamahać Ukrainie, źjaŭlajecca abaroncam žyćcia».
Zialenski dadaŭ, što dla jaho krainy pryncypova važna, kab rasijski teror «nie zastavaŭsia biez nastupstvaŭ».
Masiravanaja ataka ŭ noč na 24 maja stała najbujniejšaj za apošni čas. Ukrainskija siły PPA zmahli źbić i niejtralizavać srodkami REB 604 celi z 690 (55 rakiet i 549 dronaŭ).
Najbolšyja razbureńni zafiksavany ŭ Kijevie, dzie całkam razburany padjezd žyłoj piacipaviarchoŭki i paškodžany inšyja šmatpaviarchovyja damy. Pavietranyja siły USU aficyjna paćvierdzili, što pa horadzie Biełaja Carkva ŭ Kijeŭskaj vobłaści Rasija ŭdaryła balistyčnaj rakietaj siaredniaj dalnaści RS-26 «Rubiež» («Arešnik»).
Ciapier čytajuć
Budučy kredyt pad 1% na novabudoŭli abrastaje padrabiaznaściami. Jak źmienicca rynak nieruchomaści?3
Budučy kredyt pad 1% na novabudoŭli abrastaje padrabiaznaściami. Jak źmienicca rynak nieruchomaści?
I pra realnych bandytaŭ, i pra kryvarukaha Kościu-plitačnika, i pra seks u ciahniku. Žurnalistka z Homiela napisała knihu — čytać jaje strašna i śmiešna1111
Kamientary
Makron dzie " miražy" Merc " taŭrusy" ....
U vosieni zimku kali ni adbudziecca " cud vypadak" budzie padobnaje ni tolki u Kijevie a i u Lvovie iii...ni žadaju suročyć ...
Ale