U Rasii časova spynili prodaž šerahu ałkaholnych napojaŭ, vyrablenych u Armienii. Takoje rašeńnie pryniaŭ Rasspažyŭnahlad paśla pravierki pradukcyi, jakaja znachodziłasia ŭ abaračeńni na terytoryi krainy, piša The Moscow Times.
Jak śćviardžaje rasijskaje viedamstva, u prodažy była vyjaŭlena armianskaja pradukcyja, jakaja nie adpaviadaje abaviazkovym patrabavańniam. U suviazi z hetym rasparadžeńniem było ŭviedziena abmiežavańnie: realizacyju hetych tavaraŭ spyniajuć, a imparcioram i handlovym arhanizacyjam zahadana źniać ich z prodažu.
Pad abmiežavańni trapiła pradukcyja troch bujnych armianskich vytvorcaŭ — «VIEDZI-AŁKA», Abavianskaha kańjačnaha zavoda i vinna-kańjačnaha doma «Šachnazaran». Siarod kankretnych najmieńniaŭ nazyvajucca jak viny, tak i kańjaki. Naprykład, heta čyrvonaje paŭsałodkaje vino «Hietap Viernašen», biełaje suchoje vino «Viedzi Ałka» ź liniejki «Lehiendy ARNI», «armianski kańjak 5 zorak», a taksama siamihadovy kańjak «Šachnazaran CHO».
Pry hetym Rasspažyŭnahlad nie ŭdakładniŭ, jakija mienavita patrabavańni byli parušanyja — havorycca tolki, što pradukcyja nie adpaviadaje normam. Tamu dakładnyja pryčyny — naprykład, prablemy sa składam, markiroŭkaj abo biaśpiekaj — pakul nie raskryvajucca.
Heta ŭžo nie pieršaje padobnaje rašeńnie ŭ dačynieńni da armianskich tavaraŭ za apošnija dni. Raniej było poŭnaściu zabaroniena ŭvozić i pradavać u Rasii minieralnuju vadu «Džermuk». U tym vypadku pryčyna była kankretna nazvanaja: u vadzie nibyta vyjavili pieravyšeńnie dapuščalnych uzroŭniaŭ chimičnych rečyvaŭ, u tym liku hidrakarbanataŭ, chłarydaŭ i sulfataŭ. Taksama adznačałasia, što niedakładnaja infarmacyja pra lačebnyja ŭłaścivaści pradukcyi moža ŭvodzić spažyŭcoŭ u zman i navat škodzić zdaroŭju. Taksama pad abmiežavańni trapili armianskija kvietki, u jakich taksama raptam niespadziavana znajšli niejkuju zarazu.
Na hetym fonie ekśpierty i ŚMI źviartajuć uvahu, što abmiežavańni mohuć być źviazanyja nie z kantrolem jakaści, kolki i z ahulnym paharšeńniem adnosin pamiž Rasijaj i Armienijaj. Apošnim časam pamiž krainami nazirajecca napružanaść. Rasijski bok krytykavaŭ armianskija ŭłady za šerah palityčnych krokaŭ, u tym liku za zbližeńnie ź Jeŭrapiejskim sajuzam i inšyja rašeńni, jakija Maskva ličyć niedružalubnymi.
U Rasii całkam zabaranili armianskuju minierałku «Džermuk»
Racija praciahvaje cisnuć na Armieniju i słovami, i spravami
Turcyja abjaviła pra admienu abmiežavańniaŭ na pramy handal z Armienijaj
«My abrali šlach demakratyzacyi, jany — krychu inšy». U Armienii adreahavali na notu biełaruskaha MZS
Pašynian paskardziŭsia kiraŭnictvu ES na hibrydnyja pahrozy
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava6
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4444
Kamientary
lipa 😂