«Chruščy lezuć u vokny i ablaplajuć lichtary». Navukoŭcy patłumačyli ich našeście
Biełarusy masava abmiarkoŭvajuć u sacsietkach chruščoŭ — u niekatorych rajonach ich nastolki šmat, što jany litaralna ablaplajuć lichtary, bjucca ŭ vokny i źbirajucca pad padjezdami sotniami.
Mnohija ŭžo paśpieli nazvać toje, što adbyvajecca anamalijaj, adnak navukoŭcy kažuć, što ničoha niezvyčajnaha ŭ hetym niama.
U navukova-praktyčnym centry NAN Biełarusi pa bijaresursach patłumačyli, što ciapierašniaje «našeście» źviazana nie z rezkim rostam papulacyi, a z tak zvanaj sinchronnaściu vyletu žukoŭ, piša BiełTA.
Na terytoryi Biełarusi žyvuć dva vidy majskich žukoŭ: zachodni i ŭschodni. Abodva vonkava vielmi padobnyja i ličacca surjoznymi škodnikami dla maładych lasoŭ, pładovych dreŭ i sadovych kultur.
Zvyčajna darosłyja žuki źjaŭlajucca jašče ŭ kancy krasavika, a pik ich aktyŭnaści prypadaje na siaredzinu maja. Asabliva aktyŭnymi jany stanoviacca ciopłymi viečarami i nočču.
Pry hetym kolkaść chruščoŭ cykličnaja: prykładna raz u 4‑5 hadoŭ nazirajucca pieryjady asabliva vysokaj aktyŭnaści, paśla jakich papulacyja znoŭ źnižajecca.
Ale ŭ hetym hodzie situacyju ŭzmacniła nadvorje. Z-za chałodnaha krasavika i pačatku maja žuki nie vylatali pastupova, jak zvyčajna, a źjavilisia amal adnačasova. A zatym pryjšło rezkaje paciapleńnie — i jany pačali aktyŭna lotać, stvarajučy efiekt sapraŭdnaha «našeścia».
U NPC pa bijaresursach padkreślivajuć, što dla pryrody heta absalutna narmalnaja źjava. Bolš za toje, u niekatorych nasiakomych pierapady kolkaści byvajuć kudy bolš surjoznymi — u sotni i navat tysiačy razoŭ. Z chruščami takoha nie adbyvajecca.
Navukoŭcy zapeŭnivajuć, što pieryjad masavaj aktyŭnaści praciahniecca niadoŭha. Darosłyja asobiny žyvuć usiaho niekalki tydniaŭ, tamu ŭžo da siaredziny červienia praktyčna źniknuć. Na poŭdni Biełarusi heta adbudziecca jašče raniej.
Pry hetym dla ludziej i chatnich žyvioł chruščy całkam biaśpiečnyja.
Bolš za toje, śpiecyjalisty niečakana adznačyli, što nasiakomych možna vykarystoŭvać navat z karyściu — naprykład, narychtoŭvać jak białkovuju dabaŭku dla chatniaj ptuški abo śviniej. Samy prosty sposab zboru — nočču na śviatło. Paśla hetaha žukoŭ možna zamarozić, kab zimoj dadavać u korm žyviołam.
Darečy, masavaje źjaŭleńnie chruščoŭ nazirali ŭ Minsku i ŭ 2023 hodzie. Tady, pa słovach śpiecyjalistaŭ, pa ranicach pad lichtarami ŭ niekatorych rajonach asfalt litaralna byŭ absypany kazurkami.
«Lipa va ŭsich sensach». Voś jak buduć vyhladać drevy ŭ vazonach na hałoŭnym minskim praśpiekcie. Błohiery atrymali zadańnie imi zachaplacca10
Kamientary
Na Pcičy nadvorje było takoje samaje ale chruščoŭ niama.