«Alesia» rychtujecca nyrać pad Śvisłač. Jak mietro budzie pierasiakać raku
Minskija mietrabudaŭniki rychtujucca da «nyrańnia» pad Śvisłač — tunieleprachodčyja kompleksy projduć nižej rečyšča Śvisłačy na niekalki mietraŭ. Telehram-kanał «Minskbudu» raskazvaje, navošta budaŭniki pieraharadzili rečyšča raki.
Prachodčy ščyt «Alesia» ciapier znachodzicca prykładna za dva mietry ad vodnaj arteryi. Miechanizavanamu kompleksu nieŭzabavie daviadziecca padnyrnuć pad raku.
Mietrabudaŭniki zahadzia padrychtavalisia da adkaznaha etapu. Na ŭčastku było vykanana panižeńnie ŭzroŭniu hruntovych vod, paśla čaho rečyšča Śvisłačy padzialili špuntavym aharodžvańniem na dźvie častki.
Pakul pa adnoj pałovie raka praciahvaje svajo spakojnaje ciačeńnie, na druhoj užo zalita žalezabietonnaja plita taŭščynioj 500 mm z uchiłam da centra i zmanciravana raździalalnaja ścienka z błokaŭ.
Jak tolki kanstrukcyja nabiare nieabchodnuju tryvałaść, špuntavaje aharodžvańnie demancirujuć ź pieršaj častki, i raboty pieraniasuć na druhuju pałovu rečyšča.
Paśla stykoŭki plity raździalalnuju ścienku prybiaruć. Takaja technałohija dazvolić nadziejna abaranić pierahonnyja tuneli ad praniknieńnia hruntovych vod i vyklučyć ryzyku prasiadańnia hruntu.
Ździełka Trampa z Pucinym: čym za jaje mohuć zapłacić Ukraina i Biełaruś19
Ździełka Trampa z Pucinym: čym za jaje mohuć zapłacić Ukraina i Biełaruś
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary
A ŭvohule vada paśla vadaschoviščaŭ paharšajecca ŭ jakaści pa paraŭnańniu z pratočnaj.