Hienierał-lejtenant Sarvaraŭ, padarvany ŭ aŭtamabili ŭ Maskvie, zahinuŭ
SK Rasii paćvierdziŭ śmierć rasijskaha hienierała, raspačataja kryminalnaja sprava pavodle faktu zabojstva vajskoŭca.
«Pavodle źviestak śledstva, ranicaj 22 śniežnia na vulicy Jasienievaj u Maskvie była pryviedziena ŭ dziejańnie vybuchovaja pryłada, ustalavanaja pad dnom aŭtamabila. U vyniku atrymanych traŭm pamior načalnik upraŭleńnia apieratyŭnaj padrychtoŭki Hienieralnaha štaba Uzbrojenych Sił RF hienierał-lejtenant Fanił Sarvaraŭ», — paviedamlaje SK.
Śledstvam adpracoŭvajucca roznyja viersii zabojstva. Adnoj ź ich źjaŭlajecca viersija, źviazanaja z arhanizacyjaj złačynstva ŭkrainskimi śpiecsłužbami, havorycca ŭ paviedamleńni.
Vybuch adbyŭsia kala 7‑j hadziny ranicy ŭ dvary žyłoha doma na vulicy Jasienievaj na poŭdni Maskvy. Hienierał-lejtenant Fanil Sarvaraŭ sieŭ u svoj aŭtamabil Kia Sorento i pačaŭ ruch. Jaho špitalizavali ŭ ciažkim stanie.
Chto taki Fanił Sarvaraŭ?
Hienierał Sarvaraŭ zajmaŭ klučavuju pasadu ŭ struktury Hienštaba Minabarony Rasii. Jaho ŭpraŭleńnie adkazvaje za arhanizacyju bujnamaštabnych vučeńniaŭ i bajavuju padrychtoŭku złučeńniaŭ.
Udzielnik asiecina-inhušskaha kanfliktu, abiedźviuch čačenskich vojnaŭ i apieracyi ŭ Siryi.
Jak kiraŭnik apieratyŭnaj padrychtoŭki, jon niepasredna adkazny za bojehatoŭnaść vojskaŭ, što ŭdzielničajuć u poŭnamaštabnym uvarvańni va Ukrainie. Uniesieny ŭ bazu «Miratvorac».
Tankavy aficer, vypusknik Akademii Hienštaba.
Ranh hienierał-lejtenanta atrymaŭ u 2024 hodzie na zahad Uładzimira Pucina.
Ciapier čytajuć
«Anlifanščyca ź Pinska» kaža, što jana nie anlifanščyca i nie ŭ rabstvie ŭ Mjanmie9
Kamientary