U Finlandyi zaniepakojenyja masavaj hibiellu paŭnočnych aleniaŭ i źviazvajuć heta z vajnoj va Ukrainie
Finskija navukoŭcy i asacyjacyja aleniavodaŭ źviazvajuć rekordnuju hibiel paŭnočnych aleniaŭ u krainie z pavieličeńniem kolkaści vaŭkoŭ, jakija traplajuć z terytoryi Rasii, piša CNN.
Pavodle danych, u 2025 hodzie adbyłosia kala 1950 vypadkaŭ napadaŭ vaŭkoŭ na aleniaŭ sa śmiarotnym vynikam — heta amal na 70% bolš, čym u papiarednim hodzie.
Miascovyja žychary ličać, što hetaja tendencyja źviazanaja z rasijskaj vajnoj va Ukrainie, pakolki mnohija palaŭničyja z pryhraničnych rehijonaŭ Rasii, jakija raniej rehularna palavali na vaŭkoŭ, ciapier pajšli na vajnu i tamu nie padtrymlivajuć miascovy bałans źviarynaha pahałoŭja.
Finskija śpiecyjalisty ličać, što rost kolkaści vaŭkoŭ, a taksama inšych drapiežnikaŭ — miadźviedziaŭ, rasamach, rysiaŭ, — pryvodzić da masavaj hibieli paŭnočnych aleniaŭ. Finski instytut pryrodnych resursaŭ za apošniaje dziesiacihodździe sabraŭ i praanalizavaŭ tysiačy ŭzoraŭ DNK vaŭkoŭ, vyjaviŭšy rezki rost asobin z markierami DNK, jakija raniej u krainie nie sustrakalisia. Heta dazvalaje mierkavać, što drapiežniki pierasiakajuć miažu z Rasijaj.
U Finlandyi vaŭki traplajuć u katehoryju vidaŭ, jakija znachodziacca pad pahrozaj źniknieńnia, ale ŭ listapadzie 2025 hoda ŭrad dazvoliŭ ich adstreł dla kantrolu papulacyi. Licenzii na adstreł u pieršuju čarhu vydajucca žycharam rajonaŭ, dzie raźvita alenievodstva.
Ucha Kujała, uładalnik fiermy «Śviet aleniaŭ» u hramadzie Kuusama, prykładna za 40 km ad miažy z Rasijaj, raskazvaje, što praktyčna štodnia znachodzić zabitych vaŭkami aleniaŭ. Asabliva ciažkija dla jaho straty samak, bo jany dasiahajuć pałavoj śpiełaści tolki va ŭzroście dvuch hadoŭ i prynosiać pa adnym dziciaci ŭ hod.
Ministerstva sielskaj haspadarki Finlandyi acaniła, što strata adnoj samki aznačaje dla fiermiera straty kala 1572 jeŭra. Choć dziaržava daje kampiensacyi, ich atrymańnie patrabuje šmat času i namahańniaŭ, a pamier vypłaty nie pakryvaje ŭsich strataŭ.
Fiermier padkreślivaje, što situacyja pahražaje ŭsiamu ekałahičnamu bałansu rehijona i tradycyjnaj dziejnaści aleniavodaŭ, jakaja isnuje ŭ Finlandyi stahodździami.
Kamientary
A finny,kak oleni )