Haspadara taho samaha Muchtara ź sieryjała asudzili za palityku
Dźmitryj Doŭhal addaŭ zavodu «MAZ-Kupava» bolš za 20 hadoŭ: pryjšoŭ ślesaram, a staŭ kiraŭnikom. Taksama ŭ jaho jość sabaka Norys, jaki hraje ŭ kino — u tym liku ŭ sieryjałach «Viartańnie muchtara» i «Pios Ryžy». Ale niadaŭna Dźmitryja asudzili za «spryjańnie ekstremisckaj dziejnaści».
Dźmitryju Doŭhalu 49 hadoŭ. Adukacyju atrymlivaŭ spačatku ŭ staličnym aŭtamiechaničnym technikumie, a paśla skončyŭ Biełaruski nacyjanalny techničny ŭniviersitet pa śpiecyjalnaści «Arhanizacyja ruchu i kiravańnie na transparcie».
U 2002 hodzie jon pryjšoŭ ślesaram miechanazboračnych rabot na zavod «MAZ-Kupava». Heta viadomaje biełaruskaje pradpryjemstva, jakoje śpiecyjalizujecca na vytvorčaści izatermičnych furhonaŭ, pryčepaŭ i aŭtałavak.
Doŭhal nieŭzabavie pačaŭ raści pa słužbie: staŭ inžynieram, majstram, načalnikam učastku. Z 2014 hoda Dźmitryj zajmaŭ pasadu načalnika kuzaŭnoj vytvorčaści i kiravaŭ vytvorča-dyśpietčarskim adździełam pradpryjemstva.
Dźmitryj — amatar žyvioł, jon haspadar znakamitaj aŭčarki na mianušku Norys. Hety sabaka — sapraŭdnaja zorka ekrana: mienavita jon vykanaŭ rolu psa Muchtara ŭ viadomym sieryjale «Viartańnie Muchtara. Novy śled». Taksama hadavaniec Dźmitryja zdymaŭsia ŭ vajskovaj dramie «Pios Ryžy» i inšych stužkach.
Dźmitryj zajmajecca bieham i lubić padarožničać. U jaho jość žonka i niepaŭnaletniaje dzicia.
Prysud Dźmitryju vynies Minski abłasny sud. Jaho pryznali vinavatym pavodle častak 1 i 2 artykuła 361‑4 Kryminalnaha kodeksa («Sadziejničańnie ekstremisckaj dziejnaści»). Vidavočna, što pieraśled źviazany sa spravaj Hajuna.
Dakładny termin źniavoleńnia nieviadomy, ale prysud užo ŭvajšoŭ u dziejańnie. Heta moža być abo kałonija, abo chimija z nakiravańniem.
«Naša Niva» — bastyjon biełaruščyny
PADTRYMAĆCiapier čytajuć
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary