Talenavitaha prahramista adpravili za kraty. Jon uvachodziŭ u top-0,2% śpiecyjalistaŭ u svaim kirunku
Raman Basałaj — vysakakłasny śpiecyjalist pa ŭbudavanych sistemach (Embedded) z surjoznym navukovym bekhraŭndam. Niadaŭna jaho asudzili za «spryjańnie ekstremisckaj dziejnaści».
Ramanu Basałaju 43 hady. Jon vypusknik Połackaha dziaržaŭnaha ŭniviersiteta: u 2004 hodzie skončyŭ elektratechničny fakultet z čyrvonym dypłomam, paśla čaho vučyŭsia ŭ aśpirantury.
Raman — čałaviek navuki. Za jahonymi plačyma pieramohi ŭ alimpijadach u fizicy i matematycy, navukovyja publikacyi i čatyry zajaŭki na patenty. U jaho roznabakovyja intaresy: ad ihry na barabanach da radyjoelektroniki. Maje žonku i niepaŭnaletniuju dačku.
Doŭhi čas mužčyna pracavaŭ inžynieram-prajekciroŭščykam sietak, a sa śniežnia 2023 hoda ŭładkavaŭsia raspracoŭščykam u kampaniju Passat Innovations. Tam jon zajmaŭsia stvareńniem drajvieraŭ dla čypaŭ, raspracoŭkaj intelektualnych krynic bieśpierabojnaha siłkavańnia i sistem hałasavoj suviazi.
Uzrovień Basałaja pakazvaje jahony rejtynh na płatformie CodeWars: biełarus uvachodziŭ u top-0,168% karystalnikaŭ pa vyrašeńni zadač na C/C++ i zajmaŭ 1183 miesca ź miljonaŭ karystalnikaŭ płatformy.
Ramana zatrymali ŭ krasaviku 2025 hoda. Minski abłasny sud pryznaŭ jaho vinavatym pavodle častak 1 i 2 artykuła 361‑4 Kryminalnaha kodeksa («sadziejničańnie ekstremisckaj dziejnaści»).
Z taho času jon nie źjaviŭsia anłajn — vyhladaje, što pakarańnie Ramanu źviazanaje z pazbaŭleńniem voli.
«Naša Niva» — bastyjon biełaruščyny
PADTRYMAĆCiapier čytajuć
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich3
Kamientary
Oni, jeśli pridiotsia, vyhoniat połovinu nasielenija Biełarusi iz Biełarusi, vtoruju połovinu posadiat, sadiť načnut s aktivnych, umnych, mołodych, tałantlivych, čto i diełajut s 2020 hoda.