Kiraŭnika praduktu šmatmiljonnaha IT-startapa asudzili da kałonii za Hajuna
Juryj Chramiejeŭ pracavaŭ u startapie ActivePlatform. Ale niadaŭna jaho asudzili za «spryjańnie ekstremisckaj dziejnaści» i kinuli za kraty.
Juryj Chramiejeŭ naradziŭsia 5 lipienia 1990 hoda. Jon skončyŭ Minski radyjotechničny kaledž u 2011 hodzie. U 2016‑m atrymaŭ dypłom prahramista ŭ Biełaruskim dziaržaŭnym univiersitecie infarmatyki i radyjoelektroniki.
U 2011 hodzie Juryj uładkavaŭsia prahramistam u kampaniju XB Software, paźniej pracavaŭ u ActiveCloud. A z 2014 hoda pierajšoŭ u startap ActivePlatform, dzie prajšoŭ šlach ad raspracoŭščyka da biznes-analityka i kiraŭnika praduktu — čałavieka, jaki vyrašaje, što mienavita budzie rabić kamanda.
Kampanija śpiecyjalizujecca na płatformach dla kiravańnia vobłačnymi servisami i pracuje na mižnarodnym rynku. Z adkrytaj infarmacyi pra kampaniju viadoma, što jaje rašeńni vykarystoŭvajucca dla aŭtamatyzacyi bilinhu, katałoha servisaŭ i kiravańnia vydatkami na vobłaka. Jaje štohadovaja vyručka — $18,5 miljona, pavodle źviestkach partała RocketReach.
Chramiejeŭ zajmaŭsia raźvićciom veb-płatformy ActivePlatform, jakaja dazvalaje apierataram, intehrataram i IT-kampanijam pradavać i kiravać vobłačnymi pasłuhami.
Pa-za pracaj Juryj lubić padarožničać. U sacsietkach jon pościŭ fota z aktyŭnaha adpačynku ŭ harach i pajezdak u roznyja harady.
Nieviadoma, kali jaho zatrymali. Ale sacsietki Chramiejeva vydalenyja, a ŭ telehramie jon byŭ anłajn «vielmi daŭno».
Juryja sudzili ŭ Minskim haradskim sudzie pavodle častak 1 i 2 artykuła 361‑4 Kryminalnaha kodeksa Biełarusi — «spryjańnie ekstremisckaj dziejnaści». Padobna, što pieraśled źviazany sa spravaj Hajuna.
Paśla padziej 2020 hoda Biełaruś straciła tysiačy IT-śpiecyjalistaŭ, jakija źjechali praz palityčny pieraśled, pahrozu zaviadzieńnia kryminalnych spravaŭ i cisk na śfieru. Pravaabaroncy nieadnarazova adznačali, što kryminalny pieraśled vykarystoŭvajecca dla zapałochvańnia biznesu i prafiesijanałaŭ za niełajalnaść abo padtrymku źmienaŭ u krainie.
«Naša Niva» — bastyjon biełaruščyny
PADTRYMAĆCiapier čytajuć
Jak skłaŭsia los internacyjanalnych dziaciej, jakich vychoŭvali ŭ Žodzinie ŭ pieršym u Biełarusi dziciačym domie siamiejnaha typu?5
Jak skłaŭsia los internacyjanalnych dziaciej, jakich vychoŭvali ŭ Žodzinie ŭ pieršym u Biełarusi dziciačym domie siamiejnaha typu?
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary
Vsie kak durački kinułś v tielehram, ŚMI pieriestali publikovať svoi počtovyje jaŝiki.
Mohli by kak rańšie sdiełať formu ili skript, prisłať nam novosť na sajt ili informaciju.