U Mahilovie pradajuć haraž, dzie zamiest padvała — mini-kvatera
Na ścianie visić draŭlany dziaržaŭny hierb, a zamiest ahladalnaj jamy — mini-kvatera na ŭvieś padvał.
Unikalny abjekt znachodzicca ŭ haražnym kaapieratyvie «Jubilejny-10», što niepadalok ad centra Mahilova.
Zvonku heta zvyčajny cahlany haraž z žaleznaj bramaj. Unutry — sałatavyja ścieny, na adnoj ź jakich visić draŭlany dziaržaŭny hierb, biełaja stol, čatyry lampy pa bakach i šeraja plitka na padłozie. Na pieršy pohlad heta zvyčajny dahledžany haraž, jaki vykarystoŭvajuć vyklučna dla zachoŭvańnia aŭto, a nie jahonaha ramontu i absłuhoŭvańnia.
Samaje cikavaje ŭ haražy znachodzicca pad ziamloj. Zamiest zvyčajnaj ahladalnaj jamy tut draŭlanaja leśvica. A kali spuścišsia pa joj, traplaješ u choł-kuchniu.
Na 24,5 mietrach tam mieścicca kuchnia z stalnicaj, niekalkimi šufladkami, nievialikaj rakavinaj, elektryčnym čajnikam i mikrachvaloŭkaj.
Pobač iduć dźviery, jakija viaduć u prybiralniu. Nasuprać — kładoŭka ź ladoŭniaj, a dalej idzie asnoŭny pakoj z kanapaj, stałom i šafami na ŭsiu ścianu.
Pradaviec apisvaje svaju kvateru-haraž jak miesca dla znaŭcaŭ haražnaha praviadzieńnia času, dzie ŭsio pradumana da drobiaziaŭ.
«U prodažy ekskluziŭny cahlany haraž z padvałam, pieraabstalavanym pad mini-kvateru z pakojem adpačynku, kuchniaj, tualetam, kładoŭkaj», — havorycca ŭ apisańni.
Praviedziena centralnaje elektra– i vodazabieśpiačeńnie. Zroblena miascovaja kanalizacyja hłybinioj 5 mietraŭ.
Pradaviec zapeŭnivaje, što haraž uciepleny, a ŭ padvale vykanana jakasnaja hidraizalacyja.
«Jakasna vykanana sistema vientylacyi, dadatkova ŭstalavana prytokavaja. Pry prodažy zastajecca ŭsia mebla, bytavaja technika, posud. Ustalavanaja sihnalizacyja», — napisana ŭ abjavie.
Za ŭnikalny haraž u centralnaj častcy Mahilova z paznakaj «terminova» prosiać 16 500 dalaraŭ.
«Naša Niva» — bastyjon biełaruščyny
PADTRYMAĆCiapier čytajuć
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary