Kolki kaštuje darosłaj žančynie zrabić pryščepku ad VPČ u Biełarusi i dzie jaje šukać?
Znajści vakcynu ŭ krainie nie vielmi prosta, a hrošaj treba padrychtavać bahata.
Ź minułaha hoda ŭ Biełarusi pryščepku suprać VPČ-infiekcyi aficyjna ŭklučyli ŭ Nacyjanalny kalandar prafiłaktyčnych pryščepak.
Za heta biełaruski zmahalisia davoli doŭha. Zhodna z aficyjnaj statystykaj, u Biełarusi siarod hiniekałahičnych ankazachvorvańniaŭ rak šyjki matki znachodzicca na druhim miescy, a kožny dzień ad jaho ŭ krainie pamiraje adna žančyna.
U žančyn, infikavanych virusam papiłomy čałavieka, ryzyka zachvareć na rak šyjki matki pavialičvajecca ŭ 100 razoŭ. Krainy, jakija pačali rabić vakcynacyju žančyn ad VPČ, zmahli źnizić uzrovień infikavanaści samymi niebiaśpiečnymi typami VPČ (16 i 18) na 80%.
U Biełarusi ciapier dziaŭčynkam 11‑12 hadoŭ možna zrabić hetuju pryščepku biaspłatna.
Darosłyja žančyny (va ŭzroście da 45 hadoŭ) mohuć pryščapicca za svaje hrošy. Jakija ž jość varyjanty? Vykarystoŭvajucca vakcyny «Cekalin» (heta kitajskaja bivalentnaja vakcyna, jakaja abaraniaje ad ankahienych typaŭ 16 i 18 — mienavita jany čaściej za ŭsio pravakujuć rak šyjki matki), «Hardasił-4» (jeŭrapiejskaja, abaraniaje ad 4 ankahienych typaŭ) i «Hardasił-9» (adpaviedna, abaraniaje ad 9 ankahiennych typaŭ).
Dziaŭčat biaspłatna pryščaplajuć «Cekalinam» — im nieabchodna atrymać dźvie dozy. Paśla 15 i da 45 hadoŭ pryščepak robiać užo try.
U biełaruskich miedycynskich ustanovach čatyrochkampanientny «Hardasił» kaštuje kala 400 rubloŭ za pryščepku, dzieviacikampanientny — kala 800 rubloŭ. To-bok za poŭny kurs treba zapłacić 1200 ci 2400 rubloŭ.
Ale znajści vakcynu nie vielmi prosta — nieabchodna samastojna telefanavać u roznyja ŭstanovy achovy zdaroŭja. Adna z čytačak «Našaj Nivy» źviarnułasia ŭ niekalki bujnych pryvatnych miedycynskich centraŭ u Minsku — «Łade», «Nardyn» i «Jevu». Vakcyn ad VPČ tam nie było. Kali buduć pastaŭki, padkazać nie mohuć.
Raniej u tematyčnych supołkach biełaruski dzialilisia dośviedam, dzie zmahli zrabić pryščepki ad VPČ. U stalicy «Hardasiłam» pryščaplali ŭ MNPC chirurhii, transpłantałohii i hiematałohii, Minskim abłasnym centry imunaprafiłaktyki, Minskim rajonnym centry imunaprafiłaktyki i niekatorych paliklinikach.
U niekatorych ustanovach achovy zdaroŭja prapanoŭvajuć zapisacca ŭ list čakańnia vakcyny ad VPČ.
Chto zabaraniaje ŭ Biełarusi knihi — voś hetyja 22 čałavieki33
Chto zabaraniaje ŭ Biełarusi knihi — voś hetyja 22 čałavieki
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami9191
Kamientary
https://www.gdikb.by/
https://www.gdikb.by/media/docs/gardasil17112022.pdf
Vakcyny - śpis vakcyn.