Mazaičnyja vitražy, unikalnyja lustry. Jak restaŭrujuć hałoŭny ZAHS Minska
Hałoŭny ZAHS Minska na Kamunistyčnaj, 8 pierastaŭ prymać maładych ź viasny 2024 hoda. Z taho času ŭ pamiaškańniach idzie rekanstrukcyja. I kali letaś unutry ŭsio vyhladała dalokim ad hatoŭnaści — sucelny demantaž i razrucha, to siońnia tam užo prahladajecca pryhažość, piša Onliner.
Vizualna budynak nie źmianiŭsia, bo heta i nie praduhledžvałasia z-za jaho historyka-kulturnaj kaštoŭnaści. Zamienienyja aračnyja vokny, źjavilisia novyja dźviery, uvachodnyja hrupy ablicavali naturalnym šerym hranitam.
A voś unutry źmieny vidavočnyja: bahatyja dźviery z masivu z dekaratyŭnaj raźboj, takija ž zašyŭki dla radyjataraŭ, vieniecyjanskaja tynkoŭka, adnoŭlenyja mazaičnyja vitražy i tryptych savieckaha mastaka-manumientalista Leanida Dudarenki, jaki adlustroŭvaje etapy biełaruskaha viasielnaha abradu.
Z dnia na dzień čakajuć prybyćcia troch unikalnych vialikich lustraŭ.
U faje levaha kryła budynka — novaja padłoha z kieramahranitu, a ŭ pravym zachavany dubovy parkiet, jaki paśla šlifoŭki i pakryćcia łakam zazichacić jak novy: śpiecyjalisty ŭdakładnili, što čas nad jakasnaj pracaj nie ŭładny.
U vyniku pierapłaniroŭki źjaviłasia jašče adna zała dla praviadzieńnia cyrymonij, pabolšali pakoi žanicha i niaviesty, stvoranaje biazbarjernaje asiarodździe, zrobleny jašče adzin dadatkovy ŭvachod, jaki raniej, darečy, isnavaŭ.
Kali mienavita Pałac hramadzianskich abradaŭ znoŭ budzie radavać hierojaŭ uračystaściej i ich haściej, pakul nie paviedamlajecca.
Kamientary