Masiravanaja ataka dronaŭ na Leninhradskuju vobłaść: pažar u porcie i kałaps u Pułkavie
U Leninhradskaj vobłaści Rasii adbyłasia maštabnaja ataka bieśpiłotnikaŭ. Pavodle zajavy hubiernatara rehijona Alaksandra Drazdenki, mienš čym za sutki nad vobłaściu było źbita bolš za 60 BPŁA.
U porcie Prymorska paśla traplańnia bieśpiłotnika paškodžana jomistaść z palivam, što vyklikała mocny pažar. Tušeńnie jašče praciahvajecca, piersanał porta byŭ terminova evakujavany.
Mižnarodny aeraport Pułkava całkam spyniŭ pracu apoŭnačy. Na hety čas admieniena 48 rejsaŭ, jašče bolš za 50 zatrymana. Samaloty nie prymajucca i nie adpraŭlajucca z-za pahrozy biaśpiecy palotaŭ.
Hubiernatar padkreśliŭ, što adbićcio ataki ŭsio jašče praciahvajecca, a ŭ rehijonie zachoŭvajecca režym pavyšanaj niebiaśpieki.
Vital z-pad Vilejki, jaki padpaliŭ chatu z ułasnymi dziećmi, zavierbavaŭsia ŭ rasijskaje vojska. I prapaŭ na pieršym ža bajavym zadańni5
Kamientary