Ad 20 da 55 kapiejek. Stała viadoma, dzie ŭ Biełarusi najvyhadniej nabyvać biarozavik
U Biełarusi ŭ 2026 hodzie ceny na biarozavik amal nie źmianilisia, ale pamiž rehijonami roźnica davoli značnaja — u niekatorych vypadkach u dva razy, piša Telegraf.news.
Samy tanny biarozavy sok — u Bresckaj vobłaści. Tam u laśnictvach jaho možna kupić prykładna pa 20—23 kapiejki za litr. Adnak kali brać na śpiecyjalnych handlovych placoŭkach «Lasnaja chatka», to cana ŭžo vyšejšaja — kala 50—55 kapiejek.
U Viciebskaj i Homielskaj abłaściach ceny prykładna adnolkavyja. U laśnictvach — kala 42 kapiejek za litr, krychu daražej u handlovych punktach (kala 44 kapiejek), a ŭ firmovych paviljonach «Lasnaja chatka» — da 55 kapiejek. Pry hetym u Viciebskaj vobłaści tańniej, kali prychodzić sa svajoj taraj.
U Hrodzienskaj vobłaści ceny krychu vyšejšyja: kala 44 kapiejek za litr u svaju jomistaść. Kali kuplać u butelkach, atrymlivajecca daražej — naprykład, 5 litraŭ kaštujuć kala 4 rubloŭ.
U Minskaj vobłaści i asabliva ŭ Minsku — samyja vysokija ceny. U laśnictvach — kala 42 kapiejek, u rajonnych centrach — kala 48, a ŭ stalicy — da 55 kapiejek za litr.
Takim čynam, najbolš vyhadna kuplać biarozavy sok niepasredna ŭ laśnictvach, asabliva ŭ Bresckaj vobłaści. Najdaražej jon abychodzicca ŭ haradach, asabliva ŭ Minsku, i ŭ firmovych handlovych punktach «Lasnaja chatka».
Ciapier čytajuć
18‑hadovy kursant Vajskovaj akademii ź Lachavič nikomu ničoha nie skazaŭ, zabraŭ dakumienty i pajechaŭ vajavać za Rasiju. Ciapier pa im płačuć42
Kamientary