Mahiloŭ — horad krasovak, a Brest — stalica «leaparda». «Miehatop» skłaŭ abutkovuju kartu Biełarusi
Brend Megatop skłaŭ kartu abutkovych pieravah biełarusak na asnovie viasnavoha popytu. Akazałasia, što husty ŭ roznych rehijonach usio ž taki roznyja, piša telehram-kanał «MohilevOnłajn».
U kampanii adznačyli, što sučasnyja dziaŭčaty vybirajuć pierš za ŭsio kamfort. Nijakich špilek — hałoŭnym trendam siezona stała funkcyjanalnaja «basanohaja» estetyka z šyrokim nosam i miakkaj padešvaj. Popyt na taki abutak vyras na 65% u paraŭnańni ź minułym hodam.
Absalutnym trendam stali baletki i śnikieryny (krasoŭki i baletki ŭ adnym). Jany lidzirujuć u bolšaści haradoŭ Biełarusi. Pry hetym u kožnaj vobłaści svoj styl.
Mahilaŭčanki viernyja kłasicy i čaściej za ŭsio kuplajuć tradycyjnyja krasoŭki. U ich taksama papularnyja tufli z adkrytaj piatkaj.
Minčanki chodziać u basanožkach. Homielskija panienki farsiać u łofierach i ślinhbekach — tut šmat znaŭcaŭ naturalnaj zamšy, tamu horad paćviardžaje status centra «cichaj raskošy».
Ale ŭsio ž hałoŭny zakanadaŭca mod hetaha siezona, pa viersii Megatop — Brest. Tutejšyja dziaŭčaty lubiać animalistyčnyja «leapardavyja» prynty i akcentnyja pantalety na płatformie.
Svoj hust i ŭ viciablanak. Tam ustojlivy popyt na ŭtylitarnyja madeli — krasoŭki i paŭkiedy. Hrodzienki, jak i minčanki, addajuć pieravahu basanožkam i abutku na plaskataj padešvie.
Ciapier čytajuć
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU5
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu66
Kamientary