Hrupa kampanij Megatop prydumała recept torta, jaki ŭ budučyni moža stać lehiendaj. A voś nazvu dla jaho i toje, jak jon budzie vyhladać, prapanujuć prydumać usim biełarusam, piša Office Life.
Recept kampanija ŭžo apublikavała ŭ svaich sacsietkach. U jaho asnovie — biskvit, jaki pramočvajuć advaram lipy, čaboru, mialisy, miaty i ramonku, a pamiž słajami — načyńnie ź piure ahrestu, bruśnicaŭ, ablapichi i čyrvonych parečak. Usio heta dapaŭniaje krem z krem-čyzu ź biełym šakaładam.
U kampanii ličać, što tort moža stać lehiendaj, jak u svoj čas «Praha», «Kijeŭski» abo «Leninhradski».
Ciapier biełarusam prapanujuć śpiačy tort pa hetym recepcie i prydumać dla jaho nazvu. Pieramožcu abiacajuć siertyfikat u kramy sietki na 1000 rubloŭ.
Sam ža tort źjavicca ŭ mieniu sietki kaviarniaŭ Embassy pa ŭsioj krainie.
Kamientary