«Zło i varjactva». MAGA-aktyvisty stali patrabavać adstaŭki Trampa za zdradu idei «Amieryka pierš za ŭsio»
U toj čas jak respublikancy ŭ Kanhresie demanstrujuć praktyčna poŭnuju łajalnaść Donaldu Trampu, jaho prychilniki ŭ miedyjaasiarodździ, jakija aktyŭna dapamahali jamu pryjści da ŭłady, adčuvajuć siabie zdradžanymi. Padčas pieradvybarčaj kampanii Tramp abiacaŭ pakončyć z «viečnymi vojnami», u jakich hruznuć ZŠA, i zasiarodzicca na adradžeńni Amieryki. Kansiervatyŭnych kamientataraŭ taksama šakavała pahroza Trampa źniščyć «cełuju cyvilizacyju», kali Iran nie pahodzicca spynić ahoń, i navat jaho napadki na isłam, piša The Moscow Times.
Samy hučny i doŭhi adłup Trampu daŭ viadomy intervjujer Takier Karłsan, jaki i aktyŭna padtrymlivaŭ Trampa, i prasłaviŭsia intervju ź inšym «mocnym lidaram» — Uładzimiram Pucinym. U 43‑chvilinnym manałohu ŭviečary ŭ paniadziełak Karłsan nazvaŭ niadzielny post Trampa «ahidnym va ŭsich adnosinach» i abvinavaciŭ jaho ŭ tym, što toj pahražaje ździejśnić vajennaje złačynstva.
«Jak vy śmiejecie tak havaryć z krainaj u vielikodnuju ranicu? — zajaviŭ Karłsan u svaim padkaście. — Kim vy siabie ŭjavili? Vy publikujecie post z maciukom u vielikodnuju ranicu».
Tramp napisaŭ na Vialikdzień, što ŭ aŭtorak Iranu treba budzie pieražyć nievierahodnyja bambardziroŭki elektrastancyj i mastoŭ, «usio ŭ adnym fłakonie»:
«Ničoha padobnaha jašče nie było!!! Adkryjcie hety jo…ny praliŭ, šalonyja vyradki, albo vy budziecie žyć u Piekle! — PROSTA HLADZICIE! Słava Ałachu».
Adna z samych zaciatych u minułym prychilnic Trampa, Mardžery Tejłar Hryn, jakaja niadaŭna pakinuła Pałatu pradstaŭnikoŭ Kanhresa, adreahavała ŭ toj ža dzień:
«Kožny člen jaho administracyi, jaki nazyvaje siabie chryścijaninam, pavinien upaści na kaleni, prasić prabačeńnia ŭ Boha, pierastać pakłaniacca prezidentu i pieraškodzić varjactvu Trampa. Heta nie viartaje Amierycy byłuju vielič, heta zło».
U aŭtorak, paśla čarhovaha žarsnaha pasta Trampa pra toje, što «zahinie cełaja cyvilizacyja i jaje ŭžo nikoli nie adrodziać», kali Iran nie pahodzicca na pieramirje da vyznačanaha im terminu, Tejłar Hryn napisała:
«25‑Ja PAPRAŬKA!!! Na Amieryku nie skinuli nivodnaj bomby. My nie možam źniščyć cełuju cyvilizacyju. Heta zło i varjactva».
25‑ia papraŭka da Kanstytucyi ZŠA vyznačaje paradak pieradačy ŭłady vice-prezidentu ŭ vypadku daterminovaha spynieńnia paŭnamoctvaŭ prezidenta abo jaho niedziejazdolnaści.
Da adstaŭki Trampa zaklikaŭ i ultrapravy prychilnik teoryj zmovy Aleks Džons, jaki hadami jaho abaraniaŭ i padtrymlivaŭ. Džons nie zmoh strymać emocyj u svaim videapadkaście i nazvaŭ Trampa «čałaviekam, schilnym da ryzyki raźvićcia demiencyi», jakoha nieabchodna adchilić ad pasady.
«Jak ni sumna, Trampa, jakoha my ŭsie viedali i lubili, bolš niama», — zajaviŭ Džons.
Vydańnie Axios pryvodzić i inšyja prykłady rasčaravańnia ŭ Trampie ŭpłyvovych prychilnikaŭ MAGA. Tak, palityčnaja aktyvistka i kansiervatyŭnaja publicystka Kendzis Oŭens nazvała prezidenta «hienacydalnym psichapatam» i zapatrabavała ad Kanhresa i ŭzbrojenych sił umiašacca ŭ jaho palityku.
Bunt vychodzić za miežy prychilnikaŭ MAGA, jakija spadziavalisia na pryncyp «Amieryka pierš za ŭsio». Rasčaravańnie achapiła taksama cełuju plejadu padkastaraŭ i komikaŭ.
Samy papularny padkastar Džo Rohan nazvaŭ vajnu ź Iranam «varjactvam, uličvajučy toje, z čym jon išoŭ na vybary». Komik Cim Dziłan nazvaŭ pryncyp Trampa «Amieryka pierš za ŭsio» «najvialikšaj afieraj u historyi». Inšy komik, Tea Fon, vykarystaŭšy słova z posta Trampa, nazvaŭ nie Iran, a ZŠA i Izrail «jo…nymi terarystami».
Kansiervataraŭ taksama aburyli «cyvilizacyjnyja» pahrozy Trampa i jaho vypady suprać isłamu. Karłsan panarakaŭ, što prezident choča vykarystoŭvać «našy ŭzbrojenyja siły dla źniščeńnia cyvilnaj infrastruktury ŭ inšaj krainie, heta značyć ździejśnić vajennaje złačynstva». Akramia taho, «nivodzin prystojny čałaviek nie ździekujecca z čužoj relihii», zajaviŭ Karłsan, abrynuŭšysia na Trampa za zhadku Ałacha:
«Ździekavacca z čužoj viery — značyć ździekavacca z samoj idei viery».
Adnak ža, choć para demakrataŭ-kanhresmienaŭ razam z Tejłar Hryn zaklikali pryznać prezidenta niedziejazdolnym, respublikancy ŭ Kanhresie zachoŭvajuć da jaho poŭnuju łajalnaść. Što tyčycca šarahovych amierykancaŭ, to apytańnie Pew Research Center pakazała, što 35% amierykancaŭ daviarajuć palitycy Trampa ŭ dačynieńni da Irana, tady jak 64% — nie daviarajuć.
Tramp pradkazaŭ «załaty viek» na Blizkim Uschodzie na fonie pieramirja ź Iranam
Tramp: Siońnia ŭnačy zahinie cełaja cyvilizacyja
Tramp nazvaŭ novy dedłajn ultymatymu Tehieranu, «inakš Iran pieratvorycca ŭ kamienny viek»
Tramp nie pierajmajecca, što amierykancy mohuć ździejśnić u Iranie vajennyja złačynstvy
«Adkryjcie hety čortavy praliŭ, šalonyja vyradki!» Tramp anansavaŭ piekła ŭ Iranie ŭžo ŭ hety aŭtorak
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm13
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2626
Kamientary
Dadajcie dla kantekstu, što Karłsan nia prosta ŭziaŭ interviju ŭ putlera – heta było śviadomaj častkaj jahonych pohladaŭ, prarasiejskaj pazycyi, jakuju jon vykazvaŭ hadami. Karłsan – krymnašyst, jaki šyryŭ fejki pra «ŭkrainskija bijalabaratoryi», «pieraśled rasiejskamoŭnych u Prybałtycy», «dadzienym rašcy abiacańni ab niepašyreńni NATA» i h.d. I samo interviju było takim čysta pavodle nazvy, a nasamreč było padborkaj vyhodnych pytańniaŭ, jakija davali putleru prastoru vykazać svajo tryźnieńnie pra «iskonno russkije ziemli». U vyniku Karłsan prosta zadavaŭ pytańnie, paśla čaho davaŭ šmat chvilinaŭ na słoŭnuju dyjareju putlera.