Stolinski rajvykankam zakupiŭ broniekamizelki — bolš za 400 štuk. Padobnyja tendary abjaŭlajuć i inšyja miascovyja orhany ŭłady. Naprykład, 485 anałahičnych srodkaŭ abarony maje namier nabyć Hłybocki rajvykankam, zaŭvažyła vydańnie «Lusterka».
Stolinski rajvykankam u sakaviku zaklučyŭ ździełku na nabyćcio 408 broniekamizelek, vynikaje z danych dziaržzakupki. Pastavić ich miascovym uładam pavinny z krasavika da kanca kastryčnika hetaha hoda.
Pieršapačatkova na zakupku hatovyja byli vydzielić bolš za 1 młn rubloŭ, ale, vyvučyŭšy ceny ad roznych patencyjnych pastaŭščykoŭ, spynilisia na maładoj minskaj kampanii «NPK Brania», jakaja prapanavała samy biudžetny varyjant. U vyniku bolš za 400 broniekamizelek kaštavali 639 336 rubloŭ. Hrošy na heta ŭziali z rajonnaha biudžetu. Heta značyć, kožnaja ŭ siarednim kaštavała krychu bolš za 1,5 tysiačy rubloŭ.
Usiaho vykankamu spatrebiłasia pa 204 broniekamizelki druhoha i treciaha ŭmoŭnaha pamieru. Pieršy ź ich na rost 176—182 sm, a druhi — 183—188 sm.
«Koler broniekamizelek — ličbavy kamuflaž (jaki vykarystoŭvajecca va Uzbrojenych siłach Respubliki Biełaruś)», — paznačana ŭ zajavie na dziaržzakupku. Jany pavinny mieć abaronu ad strełaŭ pistaleta, udaraŭ naža i askołkaŭ, plus mieć uzmocnienyja ŭstaŭki śpieradu i zzadu ad bolš surjoznaj zbroi (naprykład, strełu aŭtamata).
Hłybocki rajvykankam raźmiaściŭ padobnuju zajaŭku ŭ krasaviku. Jamu spatrebiłasia ŭ ahulnaj kolkaści 485 broniekamizelek. Struktura hatovaja zapłacić za ich da 1,2 miljona rubloŭ — taksama z rajonnaha biudžetu.
Anałahičny zapyt na zakupku raźmiaściŭ vykankam Biarozaŭskaha rajona. Jamu patrabujecca 800 broniekamizelek. Stol pa vydatkach paznačanaja ŭ 1,35 miljona rubloŭ. Jość takija zapyty i ad inšych orhanaŭ ułady — sumy i kolkaść adroźnivajucca.
Takija zakupki zdaralisia i raniej, ale, miarkujučy pa danych sajta dziaržzakupak, nie takija masavyja, a kolkaść srodkaŭ abarony i sumy byli zaŭvažna nižejšyja. Naprykład, u 2024 hodzie Pinski harvykankam na kuplu 240 štuk patraciŭ 321 tysiač rubloŭ. Ivacevicki rajvykankam u 2025‑m nabyŭ 36 štuk za 73,7 tysiačy rubloŭ.
MAZ pačaŭ rabić dla Rasii braniavanyja mašyny chutkaj dapamohi
Eklery, bajavoje NŁP i duch «Vahniera». Što chavajecca za płotam śpiecnazaŭskaj čaści 3214
Na miažy z Ukrainaj pačynajecca novy etap budaŭnictva vajskovaha palihona
Śledčy kamitet Biełarusi nabyŭ suvienirnyja hadzińniki pa 800 dalaraŭ
Łukašenka znoŭ apałčyŭsia na pasiarednikaŭ. Hetamu zmahańniu ŭžo chutka 20 hadoŭ
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych2121
Kamientary