Urad Biełarusi ŭvioŭ abmiežavańni na ŭvoz aŭtamabilnych akumulataraŭ. Ciapier dla ich impartu (jak dla lehkavych, tak i dla hruzavych aŭto) nieabchodna atrymlivać śpiecyjalnuju licenziju ŭ Ministerstvie antymanapolnaha rehulavańnia i handlu i ŭzhadniać jaje ź Ministerstvam pramysłovaści.
Hetaja miera ŭvodzicca na šeść miesiacaŭ jak časovaje rehulavańnie. Paśla hetaha terminu rašeńnie mohuć admianić abo praciahnuć.
Pad licenzavańnie trapili peŭnyja vidy śvincovych akumulataraŭ z vadkim elektralitam vahoj bolš za 5 kiłahramaŭ.
Atrymańnie licenzii patrabuje apłaty dziaržaŭnaj pošliny, tamu vydatki imparcioraŭ pavialičacca. Adnak urad upeŭnieny, što heta nie pavinna pryvieści da rostu cen dla pakupnikoŭ. Meta ŭviedzienaj miery — padtrymka biełaruskich vytvorcaŭ.
Razam z tym jość vyklučeńni: licenzija nie patrebnaja dla tavaraŭ z krain JEAES pry najaŭnaści paćviardžeńnia ich pachodžańnia, a taksama dla pradukcyi, uklučanaj u śpiecyjalny rejestr pramysłovych tavaraŭ hetaha abjadnańnia.
Tesla vyvodzić na rynak svoj revalucyjny elektryčny hruzavik Semi. Asabliva ździŭlaje kabina
Kitaj stvaryŭ elektrabatareju, jakaja moža davać zapas chodu da 1000 kiłamietraŭ
BMW adklikaje bolš za paŭmiljona mašyn pa ŭsim śviecie. Jany mohuć zaharecca
Kitaj zabaraniaje «niabačnyja» klamki ŭ aŭtamabilach
Kamientary