Vienhryja i Rasija ŭ kancy minułaha hoda ŭzhadnili 12 punktaŭ dalejšaha zbližeńnia
Žurnalisty vydańnia Politico atrymali dakumienty, jakija śviedčać, što Vienhryja i Rasija ŭ kancy minułaha hoda damovilisia pra šyrokaje pahłybleńnie supracoŭnictva i padpisali płan z 12 punktaŭ. Raniej jany, jak śćviardžajecca, nie publikavalisia.
Hetaje pahadnieńnie było zaklučana paśla sustrečy pradstaŭnikoŭ dźviuch krain u Maskvie ŭ śniežni 2025 hoda. Vienhierski bok pradstaŭlaŭ ministr zamiežnych spraŭ Pieter Sijarta, a rasijski — ministr achovy zdaroŭja Michaił Muraška. U im prapisanyja asnoŭnyja napramki ŭzajemadziejańnia — ekanomika, handal, enierhietyka, pramysłovaść, sielskaja haspadarka, achova zdaroŭja, adukacyja, kultura i sport.
Asablivy akcent zrobleny na enierhietyčnaj śfiery. Baki abmiarkoŭvali supracoŭnictva ŭ halinie nafty, hazu i jadziernaha paliva, a taksama mahčymaść zapusku novych prajektaŭ, u tym liku ŭ śfiery elektraenierhietyki i vadarodnych technałohij. Adnoj z zadač nazvana adnaŭleńnie handlu, jaki skaraciŭsia paśla ŭviadzieńnia sankcyj Jeŭrasajuza suprać Rasii.
Pahadnieńnie taksama praduhledžvaje raźvićcio humanitarnych i adukacyjnych suviaziaŭ. Płanujecca pašyrać vykładańnie ruskaj movy ŭ Vienhryi, u tym liku z pryciahnieńniem vykładčykaŭ z Rasii, a taksama raźvivać prahramy abmienu dla studentaŭ i pryznańnie dypłomaŭ. Akramia taho, krainy chočuć uzmacnić supracoŭnictva ŭ sporcie i navat u kulturnych napramkach, takich jak cyrkavoje mastactva.
Hetyja damoŭlenaści vyklikali palityčnuju dyskusiju ŭ samoj Vienhryi, asabliva napiaredadni parłamienckich vybaraŭ. Kiraŭnictva krainy padkreślivaje, što dziejničaje ŭ nacyjanalnych intaresach i imkniecca zachavać ekanamičnyja suviazi. U toj ža čas apanienty ŭłady krytykujuć zbližeńnie z Rasijaj, ličačy jaho niebiaśpiečnym, asabliva na fonie vajny va Ukrainie.
U dakumientach taksama adznačajecca, što supracoŭnictva z Rasijaj nibyta nie pavinna supiarečyć abaviazkam Vienhryi jak krainy — člena Jeŭrapiejskaha sajuza. Ale sam fakt zaklučeńnia takoha pahadnieńnia ŭ ciapierašnich umovach śviedčyć pra supraćpastaŭleńnie Budapiešta pry kiravańni Viktara Orbana ahulnaj linii palityki ES u dačynieńni da Rasii, jakaja raźviazała šyrokamaštabnuju vajnu va Ukrainie i pahražaje jeŭrapiejskaj biaśpiecy.
Orban u razmovie z Pucinym paraŭnaŭ siabie z myšaniom, što dapamahaje Pucinu, lvu
Infarmacyja pra spravazdačy Kramlu jašče bolš źmienšyła pieradvybarčyja rejtynhi partyi Orbana
Pucin addaŭ Vienhryi dvuch ukrainskich pałonnych ź vienhierskim hramadzianstvam. MZS Ukrainy: Heta cyničny pijar
Orban: Ja pracuju dziela miru, a nie dziela Maskvy
Kamientary
Da, Jevropa słaba, raz pozvolajet myšie putina chlebať iz dvuch koryt i sidieť na dvuch stuljach.