U kvartale vulic Prytyckaha — Skrypnikava — akademika Vyšaleskaha ŭ Minsku, na miescy byłoha pryvatnaha siektara, pačali budaŭnictva novaha žyłoha kompleksu.
Kvatery ŭ pieršym domie pryznačanyja nie tolki dla čarhavikoŭ — dla svabodnaha prodažu zareziervavali bolš za 90, piša Minskbud.
Rabočyja pracujuć na placoŭcy doma №1.1 pavodle hienpłana: zaviaršajuć ubivańnie śvidranabiŭnych palaŭ (pa 170—200 štuk na kožnuju siekcyju), zalivajuć vierchniuju častku padmurka i rychtujuć cokal.
Pieršy hmach pabudujuć pavodle karkasnaj technałohii, jakaja dazvalaje rabić svabodnuju płaniroŭku. Dom budzie piacisiekcyjny ad 10 da 12 pavierchaŭ. Usiaho ŭ im raźmieścicca 341 kvatera (ad adnapakajovych da čatyrochpakajovych), bolšaja častka ź jakich budujecca dla hramadzian, što palapšajuć žyllovyja ŭmovy bieź dziaržaŭnaj padtrymki, adnak 93 kvatery pryznačanyja dla adkrytaha prodažu.
Novabudoŭlu zdaduć jak žyllo kamfort-kłasa sa svabodnaj płaniroŭkaj kvater, biez čystavoha azdableńnia.
Pobač z budynkam pabudujuć dvuchuzroŭnievy parkinh na 102 aŭtamabili. Śledam za pieršym domam płanujuć pabudavać jašče dva žyłyja korpusy.
-
Biełarus zrabiŭ vintažny ramont u 178‑hadovaj kvatery ŭ styli «babušatnik» i robić na joj biznes. Pahladzicie, jak vyjšła
-
«Žorstki łoft». U «Minsk-Śviet» zdajuć studyju z hołymi ścienami — ludzi šakavany canoj
-
U Hrodnie pradajuć kvateru z krutym vidam na Farny kaścioł i Savieckuju płošču. Cana taksama ŭražvaje
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ5
Kamientary