У квартале вуліц Прытыцкага — Скрыпнікава — акадэміка Вышалескага ў Мінску, на месцы былога прыватнага сектара, пачалі будаўніцтва новага жылога комплексу.
Кватэры ў першым доме прызначаныя не толькі для чаргавікоў — для свабоднага продажу зарэзервавалі больш за 90, піша Мінскбуд.
Рабочыя працуюць на пляцоўцы дома №1.1 паводле генплана: завяршаюць убіванне свідранабіўных паляў (па 170—200 штук на кожную секцыю), заліваюць верхнюю частку падмурка і рыхтуюць цокаль.
Першы гмах пабудуюць паводле каркаснай тэхналогіі, якая дазваляе рабіць свабодную планіроўку. Дом будзе пяцісекцыйны ад 10 да 12 паверхаў. Усяго ў ім размесціцца 341 кватэра (ад аднапакаёвых да чатырохпакаёвых), большая частка з якіх будуецца для грамадзян, што паляпшаюць жыллёвыя ўмовы без дзяржаўнай падтрымкі, аднак 93 кватэры прызначаныя для адкрытага продажу.
Новабудоўлю здадуць як жыллё камфорт-класа са свабоднай планіроўкай кватэр, без чыставога аздаблення.
Побач з будынкам пабудуюць двухузроўневы паркінг на 102 аўтамабілі. Следам за першым домам плануюць пабудаваць яшчэ два жылыя корпусы.
Каментары