Збанкрутавала фірма, якая хацела ўкласці ў выпуск сухой садавіны паўмільёна даляраў
Калісьці гэта прадпрыемства лічылася знакавым для цэлага раёна.
У Брэсцкай вобласці Эканамічны суд адкрыў справу аб банкруцтве ТАА «Аграфудындастры». Гэта фірма была створана ў 2016 годзе і планавала запусціць у Ганцавіцкім раёне буйную вытворчасць сухафруктаў і сушанай гародніны. Рашэнне суда заўважыў Office Life.
Калісьці гэта прадпрыемства лічылася знакавым для цэлага раёна. У 2017 годзе яго інвестпраект высока ацэньвалі ў Брэсцкім аблвыканкаме. Паведамлялася, што аб'ём інвестыцый у вытворчасць у Ганцавіцкім раёне складзе 900 тысяч рублёў, або больш за $450 тысяч па курсе на той момант.
Кампанія «Аграфудындастры» планавала арганізаваць буйную вытворчасць сухафруктаў і сушанай гародніны, наладзіць экспарт бульбянога пюрэ і іншай прадукцыі.
Ужо тады інвестар стварыў у райцэнтры 17 новых рабочых месцаў.
Што пайшло не так — дакладна невядома. Але, судзячы па даных дзяржрэестра, у 2018—2019 гадах на прадпрыемстве некалькі разоў мянялі кіраўніка, а ў 2022‑м «Аграфудындастры» апынулася на грані банкруцтва. У дачыненні да фірмы нават завялі справу, але літаральна праз некалькі месяцаў яе спынілі.
Тым не менш вясной 2024‑га ўласнік абвясціў пра ліквідацыю бізнэсу. А праз два гады ліквідатар падаў заяву аб банкруцтве, паколькі на прадпрыемстве па-ранейшаму вісяць значныя даўгі, у тым ліку перад бюджэтам.
Па агучаных у судзе даных, ТАА «Аграфудындастры» вінавата крэдыторам амаль 1,3 мільёна рублёў. З іх па абавязковых плацяжах — больш за 275 тысяч, а доўг перад ФСАН — каля 4,5 тысячы рублёў.
Канчатковы разгляд справы аб банкруцтве запланаваны на 29 кастрычніка.
«Сыночак, ты ў мяне адзін». Маці з Дуброўна просіць 18‑гадовага сына вярнуцца з расійскай арміі і звяртаецца да Лукашэнкі13
«Сыночак, ты ў мяне адзін». Маці з Дуброўна просіць 18‑гадовага сына вярнуцца з расійскай арміі і звяртаецца да Лукашэнкі
Адвакат Аляксандр Данілевіч: Мяне адвялі ў клетку на КПП і зачыталі ўказ для службовага карыстання пра памілаванне па просьбе Міжнароднага алімпійскага камітэта1010
Каментары