Акупацыйныя ўлады паведамляюць пра больш за 30 дронаў.
Ваенныя адбіваюць масіраваную атаку УСУ на Севастопаль, ужо збіта больш за 30 дронаў, папярэдне ніхто не пацярпеў. Пра гэта паведаміў губернатар Міхаіл Разважаеў.
«Нашы вайскоўцы, авіяцыя, СПА і мабільныя агнявыя групы адбіваюць масіраваную атаку УСУ. Збіта ўжо больш за 30 БПЛА», — напісаў ён.
Паводле ягоных звестак, актыўны перахоп дронаў адбываецца ў Балаклаўскім раёне. У Балаклаве ў трох шматкватэрных і пяці прыватных дамах выбітыя вокны і зафіксаваныя іншыя пашкоджанні, на некалькіх участках упалі абломкі збітых беспілотнікаў.
Акрамя таго, у шэрагу раёнаў горада праз падзенне аскепкаў адбыліся невялікія ўзгаранні травы і лесу.
Памілаваныя 15 чалавек, сярод якіх 13 палітвязняў15
Каментары