Сёння спаўняецца 70 гадоў беларускаму палітыку, экс-палітвязню Мікалаю Статкевічу.
Мікалай Віктаравіч нарадзіўся 12 жніўня 1956 года ў вёсцы Лядна, што ў Слуцкім раёне. Скончыў Мінскае вышэйшае інжынернае зенітнае ракетнае вучылішча (сёння на яго базе — Вайсковая акадэмія), чатыры гады адслужыў у Мурманскай вобласці.
У 1991 годзе стварыў Беларускае згуртаванне вайскоўцаў, у 1995 годзе ўзначаліў Беларускую сацыял-дэмакратычную партыю (Народная Грамада).
Статкевіч быў тройчы зняволены. Першы раз у 2004 годзе, калі атрымаў тры гады за арганізацыю ў Мінску вулічнай акцыі супраць афіцыйных вынікаў парламенцкіх выбараў і рэферэндуму.
Потым у 2010 годзе пасля прэзідэнцкіх выбараў. Экс-кандыдат у прэзідэнты браў удзел у акцыі на плошчы Незалежнасці супраць вынікаў прэзідэнцкіх выбараў. Затрыманы 19 снежня 2010 года, як і шэраг іншых кандыдатаў, неўзабаве пасля разгону акцыі. Яго асудзілі на шэсць гадоў калоніі ўзмоцненага рэжыму.
Выйшаў на волю ў жніўні 2015 года на год раней паводле амністыі Лукашэнкі.
Трэці раз быў арыштаваны 31 мая 2020 года, калі ехаў на пікет Ціханоўскай на Камароўцы ў Мінску. Праз паўтара года быў асуджаны на 14 гадоў пазбаўлення волі асобага рэжыму. Адбываў тэрмін у Глыбоцкай калоніі.
11 верасня 2025 года быў вывезены з турмы разам з іншымі 52‑ма палітвязнямі, але адмовіўся пакідаць Беларусь, застаўся на нейтральнай паласе, праз некалькі гадзін быў затрыманы і вернуты ў калонію. 19 лютага 2026 года быў адпушчаны дамоў у Мінску.
Мікалай Статкевіч застаецца ў Беларусі. Нядаўна ў інтэрв'ю Zeit заявіў, што спробы выціснуць яго з краіны застаюцца марнымі.
«Калі я выйшаў, у мяне не было нават пашпарта, а ён быў патрэбны, каб атрымаць медычную дапамогу. Пазней, калі мне стала лепш, чыноўнікі вярнулі мне пашпарт. Апрача таго, наш дом зносяць. Мы жывём у так званым гарадку навукоўцаў у Мінску, які плануюць перабудаваць, — працэс ідзе ўжо даўно, а пасля майго вызвалення яго яшчэ і паскорылі, што дакладна не выпадковасць. Але ўсе спробы выціснуць мяне з Беларусі былі марныя. Я не пакіну краіну», — сказаў ён.
Статкевіч: Усе спробы выціснуць мяне з Беларусі былі марныя. Я не пакіну краіну
Статкевіч — амерыканскаму дыпламату на мяжы: Вам патрэбны толькі добры піяр, а я дзеля гэтага павінен адмовіцца ад радзімы?
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі
Цяпер чытаюць
35 маладых беларусаў і беларусак, за якімі варта сачыць: апублікаваны першы спіс Next 3519
Каментары
значыць можна было пры жаданні не ўступаць?