Сёння ноччу будзе пік Персеід — актыўнага метэорнага патоку, дзякуючы якому неба азарыцца яркімі палосамі ад «падаючых зорак».
Сёлета зарапад ідэальна супадае з маладзіком, што забяспечыць цёмнае неба, а святло Месяца не будзе засланяць сляды метэораў. Чакаецца некалькі дзясяткаў метэораў у гадзіну, застаецца толькі спадзявацца на добрае надвор'е.
Персеіды актыўныя штогод з 17 ліпеня па 24 жніўня, калі Зямля праходзіць праз абломкі каметы Свіфта — Татла. Яна вяртаецца ва ўнутраную частку Сонечнай сістэмы прыкладна раз на 133 гады.
Пік інтэнсіўнасці Персеід чакаецца ў ноч з 12 на 13 жніўня, а максімальную колькасць метэораў можна будзе ўбачыць з 5 да 7 гадзін раніцы.
«Падаючыя зоркі» можна было назіраць і мінулай ноччу: фатограф Аляксандр Шнараў зрабіў некалькі здымкаў начнога неба з пралятаючымі метэорамі і падзяліўся імі з Onliner.
А сёння вечарам чакаецца сонечнае зацьменне.
У Мінску, Гродне, Барысаве Месяц закрые каля 68% плошчы сонечнага дыска.
У Мінску зацьменне пачнецца прыкладна ў 20:10, а максімальная фаза наступіць каля 20:42. Да гэтага часу Сонца ўжо будзе знаходзіцца нізка над гарызонтам.
Таму для назірання лепш выбраць месца, адкуль добра бачная заходняя частка гарызонту і агляд не перакрываюць дамы, дрэвы або іншыя перашкоды.
Цяпер чытаюць
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»54
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары