Łojka pra Łukašenku: Nu nielha da takoj stupieni sačyć za paradkam dnia demsił
Vystupajučy na Usiebiełaruskim narodnym schodzie, Alaksandr Łukašenka šmat kazaŭ pra svaich apanientaŭ, pierakazvajučy ŭ svajoj interpretacyi amal usie asnoŭnyja naviny demakratyčnych sił. I pra kanflikty pamiž Siarhiejem Cichanoŭskim i Ofisam, i pra mahčymy pierajezd Ofisa ź Litvy ŭ Polšču… U novym analityčnym vypusku «Tok» žurnalistka Volha Łojka pairanizavała z hetaha.
«Stupień jaho ŭciahnutaści ŭ apazicyjnyja spravy mianie niekalki navat napałochała, ščyra kažučy. Nu nielha da takoj stupieni sačyć za paradkam dnia demsił.
Alaksandr Ryhoravič, usio, u vas užo byli vybary 2025 hoda. Psichaterapieŭt vam vypisaŭ lačeńnie — pravieści novyja vybary. Vy ich praviali. Heta nie dapamahło. Nu, ja nie viedaju, što z hetym rabić dalej. Mnie zdajecca, što hetaja traŭma — jana ŭžo na ŭsio žyćcio. I ja bajusia, što jana moža akazacca naohuł niesumiaščalnaj z žyćciom».
Svaich apanientaŭ Łukašenka na UNS tradycyjna paźbiahaŭ nazyvać pa proźviščach — tolki źniavažlivaje «cichuški» i «łachuški». A ŭ pramovie zhadaŭ navat drobnyja skandały — jak z delehatkaj Kaardynacyjnaj rady Volhaj Karpušonak i Paŭłam Łatuškam. «Vaźmicie Łachuškina. Nu navošta ty niejkuju žančynu chacieŭ zhvałcić sa svajho kalektyvu?» — kazaŭ Łukašenka.
«Łukašenka sam pryznaŭsia, što kolkaść tut [za miažoj] supracoŭnikaŭ KDB faktyčna adpaviadaje kolkaści zmaharoŭ tut ža. Słuchajcie, takuju nahruzku biudžet moža nie vytrymać, joj-bohu, kali da kožnaha nie zhodnaha z Łukašenkam prystavić KDBšnika. Jany viedajuć nie tolki toje, što Pavieł Paŭłavič [Łatuška] rabiŭ, nie tolki toje, što Pavieł Paŭłavič nie rabiŭ, ale i toje, što jon chacieŭ [zrabić].
To-bok stupień indaktrynacyi supracoŭnikaŭ takaja…» — kamientuje jaho vystupleńnie Volha Łojka.
-
«Toje, što jany robiać, heta i adpaviadaje intaresam». Paźniak pachvaliŭ Łukašenku ŭ situacyi z ultymatumam Zialenskaha
-
Illa Andrejeŭ: Starajusia bačyć mahčymaści, jakija dała nam vymušanaja emihracyja
-
«Ja nie chaču ŭ zahončyk biełaruščyny». Knyrovič adkazaŭ na krytyku za ŭdzieł u kancercie na Dzień Rasii
Ciapier čytajuć
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie8
Kamientary