Лойка пра Лукашэнку: Ну нельга да такой ступені сачыць за парадкам дня дэмсіл
Выступаючы на Усебеларускім народным сходзе, Аляксандр Лукашэнка шмат казаў пра сваіх апанентаў, пераказваючы ў сваёй інтэрпрэтацыі амаль усе асноўныя навіны дэмакратычных сіл. І пра канфлікты паміж Сяргеем Ціханоўскім і Офісам, і пра магчымы пераезд Офіса з Літвы ў Польшчу… У новым аналітычным выпуску «Ток» журналістка Вольга Лойка паіранізавала з гэтага.
«Ступень яго ўцягнутасці ў апазіцыйныя справы мяне некалькі нават напалохала, шчыра кажучы. Ну нельга да такой ступені сачыць за парадкам дня дэмсіл.
Аляксандр Рыгоравіч, усё, у вас ужо былі выбары 2025 года. Псіхатэрапеўт вам выпісаў лячэнне — правесці новыя выбары. Вы іх правялі. Гэта не дапамагло. Ну, я не ведаю, што з гэтым рабіць далей. Мне здаецца, што гэтая траўма — яна ўжо на ўсё жыццё. І я баюся, што яна можа аказацца наогул несумяшчальнай з жыццём».
Сваіх апанентаў Лукашэнка на УНС традыцыйна пазбягаў называць па прозвішчах — толькі зняважлівае «ціхушкі» і «лахушкі». А ў прамове згадаў нават дробныя скандалы — як з дэлегаткай Каардынацыйнай рады Вольгай Карпушонак і Паўлам Латушкам. «Вазьміце Лахушкіна. Ну навошта ты нейкую жанчыну хацеў згвалціць са свайго калектыву?» — казаў Лукашэнка.
«Лукашэнка сам прызнаўся, што колькасць тут [за мяжой] супрацоўнікаў КДБ фактычна адпавядае колькасці змагароў тут жа. Слухайце, такую нагрузку бюджэт можа не вытрымаць, ёй-богу, калі да кожнага не згоднага з Лукашэнкам прыставіць КДБшніка. Яны ведаюць не толькі тое, што Павел Паўлавіч [Латушка] рабіў, не толькі тое, што Павел Паўлавіч не рабіў, але і тое, што ён хацеў [зрабіць].
То-бок ступень індактрынацыі супрацоўнікаў такая…» — каментуе яго выступленне Вольга Лойка.
-
«Не было б БНФ — не было б і сесіі. Не сабраліся б на яе камуністы». Навумчык рэзка адказаў «абвяргацелю» Цыганкову
-
«Лірыка пра тое, што 25 жніўня 1991 года нехта прыгожа выступіў, і ўсе памянялі свае погляды — гэта для мастацкага кіно»
-
Таццяна Заміроўская напісала, чаму яна прыходзіць у каменты да людзей, якія ставяць у сябе ў сацсетках пасты, напісаныя ШІ
Цяпер чытаюць
35 маладых беларусаў і беларусак, за якімі варта сачыць: апублікаваны першы спіс Next 3532
Каментары