USU atakavali port «Tamań» u Krasnadarskim kraju: paškodžany dva sudny i dva pryčały
U vyniku ŭdaru ŭkrainskich dronaŭ pa porcie «Tamań» paciarpieli dva pryčały i dva sudny, taksama paškodžany trubapravod u pasiołku Vałna.
Ataka adbyłasia viečaram 21 śniežnia na Tamanskim paŭvostravie. Pavodle źviestak krajavoha apieratyŭnaha štaba, udary bieśpiłotnikaŭ pryjšlisia pa marskim terminale. U vyniku pačalisia ŭzharańni, płošča jakich dasiahała 1500 kvadratnych mietraŭ. Pažary praciahvalisia i nočču.
Usie, chto znachodziŭsia na borcie sudnaŭ, byli evakuiravany. Pavodle infarmacyi miascovych uładaŭ, paciarpiełych siarod členaŭ ekipažaŭ i supracoŭnikaŭ porta niama.
Raniej paviedamlałasia pra ŭzharańnie na płoščy kala 100 kvadratnych mietraŭ u rajonie trubapravoda na Tamanskim paŭvostravie.
Śćviardžajecca, što «abłomki» BPŁA paškodzili trubapravod na adnym z terminałaŭ u pasiołku Vałna Temruckaha rajona. Uźnik pažar, paviedamiŭ Apierštab Krasnadarskaha kraja.
Zajaŭlena, što paciarpiełych niama. Płošča ŭzharańnia skłała 100 kv. m.
Kamientary