U škołach praviaduć adziny ŭrok «Biełaruskaja žančyna — simvał siły i natchnieńnia»
Jon budzie prymierkavany da Dnia žančyn i projdzie 5 sakavika.
«Na praciahu ŭsioj historyi biełaruskija žančyny hrali klučavuju rolu ŭ raźvićci hramadstva: vychoŭvali pakaleńni z tradycyjnymi kaštoŭnaściami honaru, dabryni i vytrymki, byli maralnym aryjenciram, pieradajučy mudraść i duchoŭnuju siłu praz stahodździ», — zajavili ŭ Ministerstvie adukacyi.
Siońnia jany, pavodle Minadukacyi, paśpiachova spałučajuć kłopat pra siamju, vychavańnie dziaciej z pracaj i hramadskaj dziejnaściu. Ministerstva taksama apublikavała materyjały dla praviadzieńnia ŭroka.
Padčas uroka nieabchodna pryvieści školnikaŭ da razumieńnia ŭniosku biełaruskich žančyn u roznyja śfiery žyćcia. Taksama jany pavinny zasvoić, što maciarynstva, vychavańnie dziaciej i kłopat pra siamju — najvažniejšyja roli žančyn u hramadstvie.
Pry padrychtoŭcy ŭroka prapanujecca vykarystoŭvać materyjały z sajta Alaksandr Łukašenka pra Hod biełaruskaj žančyny, pierapublikacyju intervju Natalla Kačanava haziecie «SB. Biełaruś siońnia», raźmieščanuju na Nacyjanalnym pravavym internet-partale, a taksama dapamožnik dla navučencaŭ ustanoŭ ahulnaj siaredniaj adukacyi «Ja — hramadzianin Respubliki Biełaruś».
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi8
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary
I jak heta ŭ ich atrymlivajecca: što b ni rabili — znoŭ partsabrańnie )))))