Murmanski hubiernatar prylataŭ u Minsk šykoŭnym biznes-džetam, jaki nibyta apłaciŭ biełaruski bok
Padčas rabočaha vizitu ŭ Minsk 1 sakavika hubiernatar Murmanskaj vobłaści Andrej Čybis prylacieŭ nie rehularnym rejsam, a biznes-džetam Bombardier Global 6000. Na heta źviarnuła ŭvahu murmanskaja aktyvistka Vijaleta Hrudzina paśla prahladu videa, apublikavanaha biełaruskimi ŭładami, piša Sota.
Pytańnie pra košt pieralotu raniej uźniaŭ deputat Murmanskaj abłasnoj dumy ad partyi «Spraviadlivaja Rasija» Alaksandr Makarevič. Na pasiadžeńni rehijanalnaha parłamienta jon zajaviŭ, što hubiernatar «žyvie ŭ raskošy» i lotaje na biznes-džetach, a taksama paskardziŭsia, što hazieta «Murmanskij viestnik» nie publikuje jaho mierkavańnie na hetuju temu.
U adkaz na zapyt vydańnia «SievierPost» va ŭradzie Murmanskaj vobłaści paviedamili, što samalot byŭ dadzieny prymajučym biełaruskim bokam.
Tam taksama zajavili, što Makarevič nibyta nie nakiroŭvaŭ aficyjnych zapytaŭ va ŭrad vobłaści, MZS Rasii abo ŭrad Biełarusi, i abvinavacili jaho ŭ sprobie pryciahnuć uvahu da temy.
Vijaleta Hrudzina pasprabavała padličyć mahčymyja vydatki na pajezdku. Pavodle jaje acenki, pieralot delehacyi moh kaštavać kala 140 tysiač jeŭra:
«Košt ekspłuatacyi takoha samalota — prykładna $10—13 tysiač za hadzinu palotu. Maršrut Maskva — Murmansk — Minsk zajmaje kala 5—5,5 hadzin, tamu pieralot kaštuje prykładna $50—70 tysiač (≈3,9—5,5 młn rubloŭ) u adzin bok. Kali ličyć darohu tudy-nazad, atrymlivajecca kala $100—140 tysiač — heta značyć prykładna 7,8—11 młn rubloŭ».
Pry hetym jana adznačyła, što realnyja vydatki mohuć być jašče bolšymi, bo ŭ raźlik nie ŭklučanyja absłuhoŭvańnie i stajanka samalota. Aktyvistka taksama zadała pytańnie, na jakoj padstavie čynoŭnik inšaj dziaržavy moh prylacieć na pryvatnym samalocie za košt biełaruskich padatkapłacielščykaŭ.
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary