Jašče adna futbalistka i trenier zbornaj Irana paprasili prytułak u Aŭstralii. Ale i ŭsia zbornaja nie moža viarnucca ŭ Iran
Žanočaja futbolnaja zbornaja Irana nie moža pakinuć Aŭstraliju, pakolki nivodnaja kraina nie hatovaja pryniać ich samalot, jaki pavinien viarnucca ŭ Iran z pramiežkavaj pasadkaj, paviedamiła CNN krynica ŭ spartyŭnych kołach.
Aŭtobus kamandy pakinuŭ hatel raniej u aŭtorak i pavinien byŭ nakiravacca ŭ aeraport, kab vylecieć na radzimu. Adnak, jak paviedamiŭ spartyŭny žurnalist Raha Purbachš, iranskija spartsmienki i piersanał zbornaj pakul tak i nie zmahli pakinuć Aŭstraliju.
Purbachš, jaki pracuje na telekanale Iran International TV, taksama raspavioŭ, što jašče dva čałavieki — futbalistka i trenier iranskaj zbornaj — źviarnulisia da ŭładaŭ Aŭstralii z prośbaj ab pradastaŭleńni prytułku.
Raniej prytułak paprasili jašče piać futbalistak zbornaj Irana — aŭstralijski ŭrad užo vydaŭ im humanitarnyja vizy, nahadvaje Bi-bi-si.
Pra toje, što piać dziaŭčat pakinuli hatel, źviarnulisia pa dapamohu ŭ palicyju i znachodziacca ŭ biaśpiecy, aŭstralijskija ŚMI paviedamili ŭ paniadziełak ranicaj.
Paźniej prezident ZŠA Donald Tramp zaklikaŭ aŭstralijskija ŭłady dać prytułak usioj kamandzie, a jašče praź dźvie hadziny napisaŭ u svajoj sacyjalnaj sietcy Truth Social, što piaci ŭžo akazana dapamoha.
Adnak nie ŭsia kamanda źviarnułasia pa jaje. Pavodle słoŭ Trampa, niekatoryja ličać, što pavinny viarnucca, bo bajacca za biaśpieku svaich siemjaŭ, jakim pahražajuć, kali jany [futbalistki] nie viernucca.
Raniej amierykanski prezident zajaviŭ, što ZŠA prymuć iranskich spartsmienak, kali Aŭstralija admović im u dapamozie.
Situacyja, jakaja ŭźnikła, źviazana z tym, što na radzimie hulcam kamandy i delehacyi, jakaja ich supravadžaje, moža pahražać niebiaśpieka za admovu śpiavać himn Isłamskaj Respubliki pierad pačatkam ich pieršaha matča.
Aściarohi hramadskaści ŭzmacnilisia paśla taho, jak u nastupnych matčach (usiaho zbornaja praviała try sustrečy) dziaŭčaty ŭžo śpiavali himn i rabili patryjatyčnyja žesty. Mahčyma, heta śviedčyć pra toje, što paśla pieršaj hulni im samim, a taksama ich siemjam mahli pahražać raspravaj.
Alimpijski čempijon Aramnaŭ: Nam vyhadnaja praciahłaja vajna, i Vova dy Saša ŭ joj pieramohuć14
Kamientary