U Babrujsku ajčym uciahnuŭ niepaŭnaletniaha pasynka ŭ handal narkotykami. Abodva atrymali vializarnyja terminy
17‑hadovy pasynak paznačaŭ u mabilnaj prahramie miescy zakładak.
33‑hadovy mužčyna, pracujučy zakładčykam na internet-kramu, uciahnuŭ u złačynnuju spravu svajho 17‑hadovaha pasynka, paabiacaŭšy padletku hrošy i «častavańnie» psichatropami.
Z maja 2025 hoda siamiejny tandem paśpieŭ raźmiaścić na terytoryi Mahiloŭskaj vobłaści kala 80 tajnikoŭ z asabliva niebiaśpiečnymi rečyvami 4‑SMS i alfa-PVP.
Pavodle śledstva, dziejnaść svajakoŭ pryviała da realnaj śmierci: adzin z klijentaŭ pamior ad atručvańnia paśla ŭnutryviennaha ŭžyvańnia nabytaha narkotyku.
Śledstva ŭstanaviła, što rola padletka zaklučałasia ŭ fiksacyi kaardynat zakładak u mabilnym dadatku.
U sudzie mužčyna całkam admaŭlaŭ vinu, a chłopiec pryznaŭ jaje tolki častkova.
Rašeńniem suda ajčym atrymaŭ 16 hadoŭ kałonii ŭzmocnienaha režymu i štraf u pamiery zvyš 11 tysiač rubloŭ (250 bazavych vieličyń). Jaho niepaŭnaletniaha pasynka asudzili da 12 hadoŭ pazbaŭleńnia voli.
Prysud moža być abskardžany.
Ciapier čytajuć
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1212
Kamientary
Darečy, jak nazyvać žycharoŭ Baranavičaŭ ? Z Babrujskam jasna, tam babiorčanie, a ŭ vypadku z Baranavičami ŭsio niejkaje kryŭdnaje słova kładziecca ŭ asnovu...