Uładzimir Zialenski zaraz razmaŭlaje z premjer-ministram Słavakii Robiertam Ficam, paviedamiŭ prezident Ukrainy ŭ svaim telehram-kanale.
Razmova adbyvajecca na fonie sprečak vakoł naftapravoda «Družba». Zialenski zaprasiŭ Ficu va Ukrainu dla abmierkavańnia ŭsich pytańniaŭ.
U paniadziełak Słavakija spyniła pastaŭki elektraenierhii va Ukrainu praz spynieńnie Kijevam nafty praz trubapravod «Družba»
U minułuju subotu premjer Słavakii napisaŭ post z papiaredžańniem ab budučym spynieńni pastavak.
«Z pačatku vajny Słavakija akazvaje dapamohu Ukrainie. Adnak prezident Ukrainy nie žadaje razumieć naš mirny padychod i za toje, što my nie padtrymlivajem vajnu, pavodzić siabie ŭ dačynieńni da Słavakii niadobrazyčliva. Spačatku byli spynieny pastaŭki hazu ŭ Słavakiju, što naniesła nam škodu sumaj 500 młn jeŭra na hod. Ciapier spynieny pastaŭki nafty, što ciahnie za saboj dadatkovyja straty i łahistyčnyja ciažkaści. Słavakija — hordaja i suvierennaja kraina, i ja — hordy i suvierenny słavak. Kali da paniadziełka pastaŭki nafty ŭ Słavakiju nie buduć adnoŭlenyja, ja źviarnusia da dziaržaŭnaj kampanii SEPS z patrabavańniem spynić avaryjnyja pastaŭki elektraenierhii va Ukrainu. Tolki ŭ studzieni 2026 hoda abjom hetych ekstrannych pastavak, nieabchodnych dla stabilizacyi ŭkrainskaj enierhasistemy, byŭ udvaja bolšym, čym za ŭvieś 2025 hod», — napisaŭ tady Robiert Fica.
Ciapier čytajuć
Chto z palitviaźniaŭ vyjšaŭ na svabodu 16 vieraśnia POŬNY ŚPIS7
Kamientary